Pakistan Cricket Team Fielding Practice : पाकिस्तानच्या क्रिकेट संघाला यंदाच्या टी 20 वर्ल्डकपच्या ग्रुप स्टेजमधूनच गाशा गुंडाळावा लागला होता. त्यांना युएसए सारख्या संघाकडून पराभव पत्करावा लागला. टी 20 वर्ल्डकपपूर्वी पाकिस्तानचा संघ हा आर्मी ट्रेनिंग करत होता. षटकार मारण्यासाठी पाकिस्तानी संघाची ताकद वाढावी यासाठी हे आर्मी ट्रेनिंग आयोजित करण्यात आलं होतं.

या आर्मी ट्रेनिंगचं नंतर काय झालं हे आपण टी 20 वर्ल्डकपमध्ये पाहिलं. आता पाकिस्तान संघाचा अजून एक व्हिडिओ सध्या सोशल मीडियावर व्हायरल होत आहे. या व्हिडिओत पाकिस्तानचे खेळाडू मैदानावर गाद्या टाकून फिल्डिंगची अन् डाईव्ह मारण्याची प्रॅक्टिस करताना दिसत आहेत. हा पाकिस्तानी खेळाडू दुसरा तिसरा कोणी नसून संघाचा कर्णधार बाबर आझम आहे.

अमेरिकेत अनेक दिवस वास्तव्य केल्यानंतर पाकिस्तानचा कर्णधार बाबर आझम पाकिस्तानात परतला आहे. मायदेशात परतल्यानंतर दुसऱ्याच दिवशी त्याने लाहोरच्या गद्दाफी स्टेडियमवर सराव केला. यावेळी त्याने मैदानावर गाद्या टाकून डाईव्ह मारण्याचा सराव केला. मात्र यानंतर त्याच्यावर टीका होऊ लागली आहे.