Pakistan Cricket Team BAN vs PAK : पाकिस्तानचा संघ टी 20 वर्ल्डकप 2024 च्या ग्रुप स्टेजमधूनच बाहेर पडला. त्यानंतर पाकिस्तान संघावर चाहते प्रचंड नाराज झाले आहे. पाकिस्तान क्रिकेट बोर्ड देखील संघात मोठे बदल करण्यासाठी सज्ज झाला आहे. आगामी बांगलादेशविरूद्धच्या कसोटी मालिकेत पीसीबी अनेक दिग्गजांना संघाबाहेर ठेवण्याची शक्यता आहे.
बाबर आझम, शाहीन आफ्रिदी आणि मोहम्मद रिझवान हे मायदेशात होणाऱ्या बांगलादेशविरूद्धच्या कसोटी मालिकेत दिसण्याची शक्यता कमी आहे. जिओ सुपरने दिलेल्या माहितीनुसार पाकिस्तान संघाचा कसोटी कर्णधार शान मसूद आणि मुख्य प्रशिक्षक जेसन गिलेस्पी यांच्यासोबतच निवडसमितीने बांगलादेशविरूद्धच्या दोन कसोटी सामन्यांच्या मालिकेसाठी संघ काय असावा याची चर्चा सुरू केली आहे.
सूत्रांनी दिलेल्या माहितीनुसार रिझवान, बाबर आझम आणि शाहीन आफ्रिदी यांना विश्रांती देण्यात येण्याची शक्यता आहे.
मोहम्मद रिझवानला विश्रांती दिल्यामुळं पाकिस्तानचा माजी कर्णधार सर्फराज अहमद हा संघात परतण्याची शक्यता आहे. सर्फराज अहमदने डिसेंबरमध्ये शेवटचा कसोटी सामना खेळला होता. नसीम शाह हा गेल्या कसोटी सामन्यात दुखापतग्रस्त झाला होता. तो देखील संघात परतण्याची शक्यता आहे. तो शाहीनच्या अनुपस्थितीत पाकिस्तानच्या वेगवान गोलंदाजीच नेतृत्व करेल.
याचबरोबर खुर्रम शहझाद याला पदार्पण करण्याची संधी दिली जाऊ शकतो. तसेच सौद शकील, अब्दुल्ला शफिक, सलमान अली आगा, शहानवाझ दहानी, मिर हामझा आणि आमिर जमाल यांना देखील संघात संधी मिळू शकते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.