BCCI Rules For Domestic Cricket: भारतीय क्रिकेट नियामक मंडळाने (बीसीसीआय) आजपासून सुरू झालेल्या रणजी ट्रॉफीसह देशांतर्गत सामन्यांच्या नियमांमध्ये बदल केले आहेत. हे नियम खेळाच्या विविध परिस्थीतीमध्ये लागूू होतात, ज्यामध्ये मध्येच डाव सोडणे, चेंडूशी छेडछाड, चौकार स्कोअरिंग आणि कर्नल सीके नायडू ट्रॉफी (U-23)मध्ये गुण वाटप यांचा समावेश होतो.

सर्वात महत्वाचे म्हणजे डावाच्या मध्यात फलंदाजांना आता रिटायर्ड हर्ड होऊन परतता येणार नाही. दुखापत, आजार किंवा अपरिहार्य परिस्थितींव्यतिरिक्त इतर कारणांमुळे निवृत्त झालेला कोणताही फलंदाजाला ताबडतोब बाद केले केला जाईल. महत्त्वाचे म्हणजे, विरोधी कर्णधाराच्या संमतीनेही त्यांना फलंदाजीला परतण्याची परवानगी दिली जाणार नाही. हा नियम सर्व कसोटी आणि मर्यादित षटकांच्या सामन्यांना लागू होतो.

बीसीसीआयच्या आदेशात स्पष्टपणे असे म्हटले आहे, “दुखापत, आजार किंवा अपरिहार्य कारणाशिवाय इतर कोणत्याही कारणास्तव रिटायर्ड हर्ड होऊन परतणारा फलंदाज लगेचच बाद समजला जाईल आणि संमती घेऊनही फलंदाजीला परतण्याचा पर्याय नसेल. विरोधी कर्णधाराचा.

चेंडूला थुंकी लावणाऱ्या खेळाडूवर कडक कारवाई

बॉल टॅम्परिंगला आळा घालण्यासाठी बीसीसीआयने कडक नियम लागू केला आहे. चेंडूवर थुंकी लावल्यास चेंडू बदलणे अनिवार्य केले आहे. याव्यतिरिक्त, नियम उल्लंघनासाठी जबाबदार असलेल्या संघाला दंड आकारला जाईल.

ओव्हर थ्रो धावा

जर ओव्हर थ्रो केलेला चेंडू चौकार गेला तर चार अतिरीक्त धावा मिळतील परंतु खेळाडूंनी धावून काढलेल्या धावा मोजल्या जाणार नाहीत.

कर्नल सीके नायडू ट्रॉफीमध्ये गुणांचे वाटप

परिस्थिती १: जर 'अ' संघ त्यांच्या पहिल्या डावात ९८ षटकात ३९८ धावांवर बाद झाला तर त्यांना चार फलंदाजी गुण मिळतील. नंतर क्षेत्ररक्षण करताना त्यांना पाच पेनल्टी धावा मिळाल्यास, त्यांची धावसंख्या ९८ षटकात ४०३ होईल, ज्यामुळे त्यांना पाचवा फलंदाजीचा गुण मिळेल.

परिस्थिती २: जर 'अ' संघ १००.१ षटकात ३९८ धावांवर बाद झाला आणि पाच पेनल्टी धावा मिळाल्या, तर त्यांची धावसंख्या १००.१ षटकात ४०३ होईल. पण, १०० पेक्षा जास्त षटके खेळल्यामुळे त्यांना पाचवा फलंदाजीचा गुण मिळणार नाही.