India vs England 4th Test : भारत आणि इंग्लंड यांच्यातील पाच सामन्यांच्या कसोटी मालिकेतील चौथा सामना रांची येथे खेळला जात आहे. झारखंड स्टेट क्रिकेट असोसिएशन आंतरराष्ट्रीय क्रिकेट स्टेडियमवर दोन्ही संघ आमनेसामने आहेत. या सामन्याचा 2 दिवसाचा खेळ खेळल्या गेला आहे. पण सामन्याच्या दुसऱ्या दिवशी एक वाईट बातमी समोर आली, ज्याबद्दल बीसीसीआयने सोशल मीडियावर एक पोस्ट दिली.

रांची कसोटी सामन्याच्या दुसऱ्या दिवशी बीसीसीआय प्रॉडक्शन टीम काळ्या पट्ट्या घालून दिसली आणि आता त्यामागचे कारण समोर आले आहे. स्पोर्ट्स कॅमेरामन कमलनादिमुथु तिरुवल्लुवन यांचे निधन झाले आहे. ते बराच काळ भारतीय क्रिकेट प्रसारणचा एक भाग होते. शुक्रवारी त्यांचे निधन झाले. महिला प्रीमियर लीगच्या उद्घाटन समारंभात देखील ते उपस्थित होते. यावेळी त्यांनी मुंबई इंडियन्स आणि दिल्ली कॅपिटल्स यांच्यातील सामना कव्हर केला.

कॅमेरामन कमलनादिमुथु तिरुवल्लुवन यांना लोक प्रेमाने थिरू म्हणतात. बीसीसीआयने सोशल मीडियावर एक व्हिडिओ शेअर करून त्याच्या मृत्यूची बातमी दिली. या व्हिडिओमध्ये बीसीसीआयची प्रॉडक्शन टीम काळ्या पट्ट्या बांधताना दिसत आहे. या व्हिडिओसोबत बीसीसीआयने लिहिले की बीसीसीआयच्या प्रॉडक्शन टीमने 23 फेब्रुवारी रोजी निधन झालेल्या थिरूच्या स्मरणार्थ काळ्या पट्ट्या बांधल्या आहेत. आम्ही त्यांच्या जवळच्या आणि प्रियजनांप्रती शोक व्यक्त करतो आणि बीसीसीआय त्यांच्या कुटुंबाप्रती शोक व्यक्त करतो.

सामन्याबद्दल बोलायचं झालं तर, इंग्लंडच्या पहिल्या डावात केलेल्या 353 धावांना प्रत्युत्तर देताना भारताने चौथ्या कसोटी सामन्याच्या दुसऱ्या दिवशी खेळ संपेपर्यंत सात गडी गमावून 219 धावा केल्या आहेत. यष्टिरक्षक ध्रुव जुरेल 30 धावा आणि कुलदीप यादव 17 धावा करत खेळत आहे. भारत सध्या इंग्लंडपेक्षा 134 धावांनी मागे आहे.