नवी दिल्ली : यंदाच्या आयपीएल मोसमात भारताला मयंक यादवच्या रूपात युवा वेगवान गोलंदाज लाभला. लखनौ सुपर जायंटस्‌ संघाचे प्रतिनिधित्व करताना मयंकने उल्लेखनीय कामगिरी केली.

यामुळे आता त्याच्यासोबत बीसीसीआय करार करणार आहे. इतर युवा गोलंदाजांसोबत तोही बीसीसीआयच्या छत्रछायेखाली येणार आहे, पण मागील चार आठवड्यांमध्ये त्याला दुसऱ्यांदा दुखापत झाली आहे. त्यामुळे आयपीएलच्या उर्वरित लढतींना तो मुकणार आहे. प्ले-ऑफमध्ये खेळण्याची शक्यता आहे, पण सध्या तरी काहीच सांगता येणे कठीण आहे.

मयंक यादवच्या प्रभावी गोलंदाजीने सर्वांनाच प्रभावित केले आहे. त्यामुळे बीसीसीआय त्याला करारबद्ध करणार आहे. त्यामुळे आगामी दिवसांमध्ये मयंक यादव हा उमरान मलिक, विदवाथ कावेरप्पा, वैशाख विजयकुमार, यश दयाल, आकाश दीप या युवा गोलंदाजांसमवेत सराव करताना दिसेल.