India vs Sri Lanka T20 and ODI Series : भारतीय संघाचे नवे प्रशिक्षक गौतम गंभीर आणि कर्णधार सूर्यकुमार यादव यांनी श्रीलंकेविरुद्धच्या मालिकेवर कब्जा केला. गौतम गंभीरच्या कार्यकाळातील ही पहिलीच मालिका होती. आता दोन ऑगस्टपासून वनडे मालिका खेळवली जाणार आहे. जिथे अनुभवी फलंदाज विराट कोहली आणि वनडे कर्णधार रोहित शर्मा देखील संघात परतणार आहेत.

दरम्यान भारतीय संघाचे नवे प्रशिक्षक गौतम गंभीरने श्रीलंकेविरुद्धच्या वनडे मालिकेत न खेळणाऱ्या खेळाडूंना चांगलाच दम दिला आहे. टी-20 मालिका जिंकल्यानंतर गौतम गंभीर म्हणाला की, जे खेळाडू एकदिवसीय फॉर्मेटमध्ये खेळत नाहीत ते दीर्घ विश्रांतीवर असतील आणि त्यामुळे त्यांचा फिटनेस चांगला राहील याची काळजी घ्यावी लागेल.

टी-20 मालिका विजयानंतर गौतम गंभीर म्हणाला की, आता काही खेळाडू जे 50 षटकांच्या फॉर्मेटमध्ये संघासोबत नसतील त्यांना दीर्घ विश्रांती मिळेल. म्हणूनच त्यांनी हे लक्षात ठेवावे लागेल की जेव्हा तो बांगलादेश मालिकेसाठी टीम इंडियामध्ये सामील होईल तेव्हा त्याचे कौशल्य आणि फिटनेस उच्च पातळीवर असले पाहिजे.

टी-20 टीमच्या स्पेशालिस्ट खेळाडूंना आता ऑक्टोबरमध्ये पुढील मालिका खेळायची आहे. बांगलादेशचा संघ भारत दौऱ्यावर येणार असून 10 ऑक्टोबरपासून तीन सामन्यांच्या टी-20 मालिकेला सुरुवात होणार आहे. त्याआधी, टीम इंडिया आणि बांगलादेश यांच्यात 19 आणि 27 सप्टेंबर रोजी दोन कसोटी सामन्यांची मालिका होणार आहे, ज्यामध्ये सूर्यकुमार यादव, हार्दिक पांड्या, रवी बिश्नोई आणि संजू सॅमसन खेळणार नाहीत. एवढ्या मोठ्या विश्रांतीमुळे गौतम गंभीरने खेळाडूंना फिटनेसवर काम करण्यासाठी सांगितले आहे.

टी-20 मालिका जिंकल्यानंतर आता भारतीय संघाला 2 ऑगस्टपासून श्रीलंकेविरुद्ध वनडे मालिका खेळायची आहे. ज्यामध्ये कर्णधार रोहित शर्मा, विराट कोहलीही खेळताना दिसणार आहेत. या दिग्गज खेळाडूंचा ताळमेळ गंभीरसोबत कसा आहे हे पाहणेही रंजक ठरणार आहे.

वनडे मालिकेसाठी भारतीय संघ : रोहित शर्मा (कर्णधार), शुभमन गिल (उपकर्णधार), विराट कोहली, केएल राहुल (यष्टीरक्षक), ऋषभ पंत (यष्टीरक्षक), श्रेयस अय्यर, शिवम दुबे, कुलदीप यादव, मोहम्मद सिराज, वॉशिंग्टन सुंदर, अर्शदीप सिंग, रायन पराग, अक्षर पटेल, खलील अहमद आणि हर्षित राणा.