Joginder Sharma on Gautam Gambhir : भारतीय क्रिकेट संघात आता गौतम गंभीरचे युग सुरू झाले आहे. मुख्य प्रशिक्षक म्हणून त्यांनी श्रीलंकेविरुद्ध सुरू असलेल्या मालिकेतून ही जबाबदारी स्वीकारली आहे. दरम्यान, भारताला पहिल्यांदाच टी-20 वर्ल्ड चॅम्पियन बनवण्यात महत्त्वाची भूमिका बजावणारा माजी वेगवान गोलंदाज जोगिंदर शर्माने मोठे वक्तव्य केले आहे.
गौतम गंभीरसोबत 2007 च्या टी-20 वर्ल्ड कपचा भाग असलेल्या जोगिंदरने सांगितले की, गंभीर मुख्य प्रशिक्षक बनला आहे, परंतु तो या पदावर जास्त काळ राहणार नाही. यामागे माजी भारतीय खेळाडूने यामागे मोठी कारणे दिली आहेत.
2024 च्या टी-20 वर्ल्ड कपनंतर बीसीसीआयने गौतम गंभीरला टीम इंडियाचे मुख्य प्रशिक्षक बनवण्याचा निर्णय घेतला. बऱ्याच दिवसांपासून या भूमिकेसाठी त्यांची निवड झाल्याचे मानले जात होते, मात्र आता जोगिंदर शर्मा यांच्या या वक्तव्याने सोशल मीडियावर खळबळ उडाली आहे.
जोगिंदर शर्मा यांनी एका पॉडकास्टवर संवाद साधताना हे मोठे विधान केले आहे. तो म्हणाला की, "गौतम गंभीरचे निर्णय कधीकधी असे असतात की इतरांना ते आवडत नाहीत. तो सरळ बोलणारा माणूस आहे. कोणाकडे जाणार नाही, तो खुशामत करणारा नाही. माझ्या माहितीनुसार तो फक्त त्याचे काम करतो.”
भारत-श्रीलंका मालिकेबद्दल बोलायचे झाले तर, गौतम गंभीरचा प्रवास विजयाने सुरू झाला आहे. टी-20 मालिकेत भारताने श्रीलंकेचा 3-0 असा पराभव केला. वनडे मालिकेतील पहिला सामना बरोबरीत सुटला होता. आज कोलंबोमध्ये उभय संघांमध्ये दुसरा एकदिवसीय सामना खेळवला जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.