India vs Bangladesh 2nd Test kanpur : चेन्नई कसोटीत दणदणीत विजय मिळवल्यानंतर भारतीय संघ कानपूर येथे दाखल झाला. येथील ग्रीन पार्क स्टेडियमवर दुसरी कसोटी होणार आहे आणि बांगलादेशचा संघ पलटवार करण्यासाठी सज्ज आहे. पण, २७ सप्टेबंरपासून सुरू होणाऱ्या कसोटीपूर्वीच स्टार खेळाडूने निवृत्ती जाहीर केली आहे.
बांगलादेशचा माजी कर्णधार आणि स्टार अष्टपैलू खेळाडू शाकिब अल हसन याने कसोटी फॉरमॅटमधून निवृत्ती जाहीर केली आहे. घरच्या मैदानावर दक्षिण आफ्रिकेविरुद्ध मीरपूर येथे होणारी कसोटी लढत ही शेवटची असल्याचे आज त्याने जाहीर केले. पण, बांगलादेशमधील परिस्थिती पाहता तिथे कसोटी मालिका होणे अवघड आहे. त्यामुळे ग्रीन पार्क येथे होणारी भारताविरुद्धची कसोटी ही त्याची शेवटची ठरू शकते. शाकिबने ट्वेंटी-२० वर्ल्ड कपनंतर ट्वेंटी-२०तून निवृत्ती घेतली आहे.
शाकिब अल हसनने ७० कसोटी सामन्यांत ४६०० धावा केल्या आहेत आणि २४२ विकेट्स त्याच्या नावावर आहेत. ट्वेंटी-२०त त्याने १२९ आंतरराष्ट्रीय सामन्यांत २५५१ धावा केल्या आहेत आणि १४९ विकेट्स आहेत. वन डे क्रिकेटमध्ये २४७ सामन्यांत ७५७० धावा व ३१७ विकेट्स त्याच्या नावावर आहेत.
बांगलादेश कसोटी संघ : नजमुल हुसेन शांतो (कर्णधार), महमुदुल हसन जॉय, झाकीर हसन, शादमान इस्लाम, मोमिनुल हक, मुश्फिकुर रहीम, शाकिब अल हसन, लिटन दास, मेहिदी हसन मिराझ, तैजुल इस्लाम, नईम हसन, नाहिद राणा, हसन महमूद, तस्किन अहमद, सय्यद खालेद अहमद, जाकेर अली अनिक
दुसऱ्या कसोटीसाठी भारताचा संघ: रोहित शर्मा (कर्णधार), यशस्वी जैस्वाल, शुभमन गिल, विराट कोहली, लोकेश राहुल, सर्फराज खान, ऋषभ पंत, ध्रुव जुरेल, आर अश्विन, आर जडेजा, अक्षर पटेल , कुलदीप यादव , मोहम्मद सिराज, आकाश दीप, जसप्रीत बुमराह, यश दयाल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.