India vs Sri Lanka ODI series - भारतीय संघाने ट्वेंटी-२० मालिकेत श्रीलंकेविरुद्ध ३-० असा दणदणीत विजय मिळवला. आता रोहित शर्माच्या नेतृत्वाखाली वन डे मालिका गाजवण्यासाठी टीम इंडिया सज्ज झाली आहे. ट्वेंटी-२० वर्ल्ड कप स्पर्धेनंतर विश्रांतीवर असलेले प्रमुख खेळाडू वन डे मालिकेसाठी श्रीलंकेत पोहोचले आहेत आणि त्यांनी सरावालाही सुरुवात केली आहे. पण, ट्वेंटी-२० मालिकेतील पराभव श्रीलंकन फॅन्सच्या जिव्हारी लागल्याचे दिसतेय आणि त्यांच्याकडून Virat Kohli चा अपमान करण्यात आल्याचा व्हिडीओ सोशल मीडियावर व्हायरल झाला आहे.

रोहित शर्मा, कुलदीप यदव, लोकेश राहुल, विराट कोहली व हर्षित राणा हे वन डे मालिकेसाठी श्रीलंकेत दाखल झाले आहेत. २ ऑगस्टपासून या मालिकेला सुरूवात होणार आहे आणि ४ व ७ ऑगस्टला दुसरा व तिसरा सामना खेळवला जाणार आहे. या मालिकेसाठी रोहित, विराट नेटमध्ये कसून सराव करताना दिसत आहेत. ट्वेंटी-२० वर्ल्ड कप विजयानंतरची ही त्यांची पहिलीच मालिका आहे. पुढील वर्षी होणाऱ्या चॅम्पियन्स ट्रॉफी स्पर्धेच्या तयारीच्या दृष्टीने या मालिकेला महत्त्व आहे.

कोहली सोमवारी सकाळी श्रीलंकेत दाखल झाला. सोमवारी त्याचे पहिले सराव सत्र कोलंबोमध्ये पावसामुळे रद्द करण्यात आले होते. त्याने मंगळवारी पहिले नेट सत्र पार पाडले. त्यावेळी एका फॅन्सकडून 'Chokli' असे विराटला हिणवले जात असल्याचा व्हिडीओ व्हायरल झाला आहे. चाहत्याच्या या कृतीवर विराट संतापलेलाही दिसला.

कोहलीने शेवटचा एक महिना पत्नी अनुष्का शर्मा आणि मुले वामिका आणि अकाय यांच्यासोबत लंडनमध्ये घालवला. ते तिथे एका कीर्तनात सहभागी झालेला दिसला. चौघेही इंग्लंडच्या राजधानीत एका फुलांच्या दुकानातही गेले होते आणि तेथे मुलगा आकाय त्याच्या मांडीवर होता.

भारताचा वन डे संघ: रोहित शर्मा (कर्णधार ), शुभमन गिल, विराट कोहली, केएल राहुल, ऋषभ पंत (विकेटकीपर), श्रेयस अय्यर, शिवम दुबे, कुलदीप यादव, मोहम्मद सिराज, वॉशिंग्टन सुंदर, अर्शदीप सिंग, रियान पराग , अक्षर पटेल, खलील अहमद, हर्षित राणा.

श्रीलंकेचा वन डे संघ - चरिथ असलंका ( कर्णधार), पथूम निसंका, अविष्का फर्नांडो, कुशल मेंडिस, सदीरा समराविक्रमा, कमिंदू मेंडिस, जनिथ लियानागे, निशान, वनिंदू हसरंगा, दुमिथ वेल्लालागे, चमिका करुणारत्ने, महीष थिक्षणा, अकिला धनंजया, दिलशान मदुशंका, मथिशा पथिराणा, असिथा फर्नांडो.