Mumbai Police Arrests Hardik Pandya Step Brother : मुंबई इंडियन्सचा कर्णधार हार्दिक पांड्याच्या सावत्र भावाला अटक करण्यात आली आहे. हार्दिक आणि कृणाल पांड्या या दोघांची फसवणूक केल्याप्रकरणी त्याचा सावत्र भाऊ वैभव पांड्याला अटक करण्यात आली आहे. हार्दिकच्या सावत्र भाऊवर 4.3 कोटी रुपयांच्या गैरव्यवहाराचा आरोप आहे असे मुंबई पोलिसांच्या आर्थिक गुन्हे शाखेच्या अधिकाऱ्यांनी सांगितले.

2021 मध्ये तिघांनी मिळून पॉलिमर व्यवसाय सुरू केला होता. हार्दिक आणि कृणाल दोघांकडे 40% शेअर्स तर वैभवकडे उर्वरित 20% शेअर्स होते.

पण हार्दिक आणि कृणाल पांड्याला न कळवता त्यांच्या सावत्र भावाने व्यवसायात दुसरी फर्म स्थापन केली. ज्यामुळे 3 कोटी रुपयांचे नुकसान झाले. त्यामुळे त्याला पैशांचा गैरवापर तसेच करारातील अटींचे उल्लंघन केल्याप्रकरणी अटक करण्यात आली आहे.

आयपीएल 2024 च्या आधी हार्दिक पांड्या मुंबई इंडियन्समध्ये परतला. यावेळी रोहित शर्माच्या जागी त्याला संघाचा कर्णधार बनवण्यात आले. पण मुंबई इंडियन्सच्या योजनेनुसार गोष्टी घडल्या नाहीत. 5 वेळच्या चॅम्पियनची सुरुवात खराब झाली. त्यांनी त्यांचे पहिले 3 सामने गमावले.