Natasa Stankovic Leaves Mumbai : टीम इंडियाचा स्टार खेळाडू हार्दिक पांड्या आणि त्याची पत्नी नताशा स्टॅनकोविच गेल्या काही दिवसांपासून चर्चेत आहेत. मीडिया रिपोर्ट्सवर विश्वास ठेवला तर, दोघांच्या नात्यात दुरावा निर्माण झाला आहे. हार्दिक पांड्यासोबत घटस्फोट झाल्याच्या अफवांदरम्यान पत्नी नताशा अलीकडेच मुलगा अगस्त्यसोबत मुंबई विमानतळावर दिसली. नताशाचे फोटो आणि व्हिडिओ इंटरनेटवर व्हायरल होत आहेत.

काल रात्री नताशा तिच्या मुलासोबत मुंबई विमानतळावर दिसली. नताशाचे हे फोटो आणि व्हिडिओ पाहून लोकांना आश्चर्य वाटले कारण त्यात हार्दिक पांड्या दिसत नव्हता. अनेक मीडिया रिपोर्ट्समध्ये असा दावा केला जात आहे की, नताशा तिचा पती हार्दिक पांड्याला सोडून आपल्या मुलासोबत तिच्या माहेरच्या घरी जात आहे. नताशाचे आई-वडील सर्बियामध्ये आहेत.

दरम्यान नताशाच्या फोनने लोकांचे लक्ष वेधून घेतले. कारण अभिनेत्रीच्या फोनचा वॉलपेपर हा हार्दिक पांड्याचा नसून तिचा मुलगा अगस्त्यचा आहे. नताशाने हार्दिक पांड्यासोबत घटस्फोटाच्या बातमीचा तिच्या मुलावर अजिबात परिणाम होऊ दिला नाही. नताशा सुरुवातीपासूनच आपल्या मुलाची विशेष काळजी घेताना दिसते.

काही दिवसांपूर्वी नताशाने तिच्या सोशल मीडिया अकाऊंटवर एक व्हिडिओ पोस्ट केला होता, ज्यामध्ये ती म्हणताना दिसली होती की, लोक खूप लवकर एकाची बाजू घेता पण अशा परिस्थितीत त्यांनी थोडा धीर धरावा. नताशा आणि हार्दिक पांड्या आतापर्यंत एकदाही घटस्फोटाच्या अफवांवर उघडपणे बोललेले नाही.