Ravichandran Ashwin IND Vs ENG : भारत आणि इंग्लंड यांच्यातील तिसऱ्या कसोटीच्या दुसऱ्या दिवशी चहापानानंतर इंग्लंडने आपला पहिला डाव धडाक्यात सुरू केली. पहिल्या 10 षटकात 67 धावा करणारी इंग्लंडची बेन डकेट आणि झॅक क्राऊलीची जोडी अखेर अश्विनने फोडली.
त्याने झॅक क्राऊलीला 8 धावांवर बाद केलं. याचबरोबर अश्विनने कसोटी क्रिकेटमधील आपल्या 500 विकेट्स देखील पूर्ण केल्या. अश्विनने सर्वात कमी कसोटी खेळून 500 विकेट्स घेणाऱ्यांच्या यादीत अनिल कुंबळेला मागे टाकले. आता अश्विन या यादीत मुथय्या मुरलीधरननंतरचा दुसरा खेळाडू ठरला आहे.
मुथय्या मुरलीधरन - 87 कसोटी सामन्यात 500 विकेट्स
रविचंद्रन अश्विन - 98 कसोटी सामन्यात 500 विकेट्स
अनिल कुंबळे - 105 कसोटी सामन्यात 500 विकेट्स
शेन वॉर्न - 108 कसोटी सामन्यात 500 विकेट्स
ग्लेन मॅग्रा - 110 कसोटी सामन्यात 500 विकेट्स
ग्लेन मॅग्रा - 25528 चेंडूत 500 विकेट्स
रविचंद्रन अश्विन - 25714 चेंडूत 500 विकेट्स
जेम्स अँडरसन - 28150 चेंडूत 500 विकेट्स
स्टुअर्ट ब्रॉड - 28430 चेंडूत 500 विकेट्स
कर्टली वॉल्श - 28833 चेंडूत 500 विकेट्स
सामन्याबद्दल बोलायचं झालं तर भारताने आपल्या पहिल्या डावात 445 धावा केल्या. त्यानंतर इंग्लंडने आपला पहिला डाव आक्रमकपणे सुरू केला. बेन डकेटने आक्रमकपणे फलंदाजी केली. त्याने झॅक क्राऊली सोबत 10 षटकात 67 धावांची सलामी दिली. त्यात डकेटच्या 40 चेंडूत 50 धावांचे योगदान होते.
क्राऊली बाद झाल्यानंतर बेन डकेटने आपला आक्रमक बाणा कायम राखत 80 चेंडूत 97 धावांपर्यंत मजल मारली. इंग्लंडनेही 24 षटकात 138 धावा केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.