Ravindra Jadeja Wife Rivaba Player of the Match : भारत विरूद्ध इंग्लंड यांच्यातील राजकोटच्या निरंजन शहा क्रिकेट स्टेडियमवर खेळवण्यात आलेल्या तिसऱ्या कसोटी सामन्यात रविंद्र जडेजाने पहिल्या डावात शतकी खेळी केली होती. तर दुसऱ्या डावात 5 विकेट्स घेत आपण जगातील अव्वल दर्जाचा अष्टपैलू आहोत हे पुन्हा एकदा सिद्ध करून दाखवलं.
भारताने इंग्लंडचा 434 धावांनी पराभव करत कसोटी क्रिकेटमधील आपला सर्वात मोठा विजय मिळवला. दुसऱ्या डावात इंग्लंडचा संघ 122 धावात गारद झाला. या डावात भारताचा डावखुरा फिरकीपटू रविंद्र जडेजाने 5 विकेट्स घेतल्या. रविंद्र जडेजाला त्याच्या अष्टपैलू कामगिरीसाठी सामनावीराचा पुरस्कार देण्यात आला. रविंद्र जडेजाने हा पुरस्कार पत्नी रिवाबाला समर्पित केला.
सामन्यानंतर रविंद्र जडेजाने सांगितले, रिवाबाने मला मानसिकदृष्ट्या खंबीर राहण्यासाठी मदत केली आहे. तिने शारिरीक आणि मानसिकदृष्ट्या देखील मदत केल्याचे जडेजाने सांगितले. रविंद्र जडेजाने होम ग्राऊंडवर जिंकलेला सामनावीराचा पुरस्कार पत्नीला समर्तिप केला.
जडेजा म्हणाला की, 'दुसऱ्या डावात पाच विकेट्स घेतल्याने मनात एक विशेष भावना आहे. एकाच सामन्यात शतक आणि पाच विकेट्स घेणं हे खास आहे.'
'माझ्या घरच्या मैदानावरचा हा सामनावीराचा पुरस्कार खास आहे. मी तो माझ्या पत्नीला समर्पित करतोय. पडद्यामागं ती मला मानसिक पाठबळ देते. ती कायम माझा आत्मविश्वास वाढवत असते.'
रविंद्र जडेजाने दुसऱ्या डावात इंग्लंडच्या फलंदाजीचे कंबरडे मोडले. त्याने पाच विकेट्स घेत इंग्लंडचा डाव 122 धावात गुंडाळण्यात मोलाचा वाटा उचलला. भारताने दुसऱ्या डावात 4 बाद 430 धावा केल्या होत्या. त्यामुळे इंग्लंडसमोर विजयासाठी 557 धावांचे आव्हान होते. जडेजाच्या फिरकीपुढे इंग्लंडने सपशेल शरणागती पत्करली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.