Rishabh Pant T20 World Cup : डिसेंबर 2022 मध्ये गाडीला अपघात झाल्यापासून ऋषभ पंत गेले 15 मिहिने क्रिकेटपासून दूर आहे. पंत आयपीएल 2024 मध्ये पहिल्यांदा व्यावसायिक क्रिकेट खेळणार आहे. पंतच्या फिटनेसबाबत बीसीसीआयचे सचिव जय शहा यांनी माहिती दिली. याचबरोबर त्याच्या टी 20 वर्ल्डकप खेळण्याबद्दल देखील मोठं वक्तव्य केलं.

बीसीसीआय सचिव जय शहा यांनी आज सांगितले की ऋषभच्या फिटनेसवर लक्ष ठेवून आहोत. तो कसा पुनरागमन करतो याचे मुल्यमापन केलं जाईल. जर पंत पूर्णपणे फिट झाला असेल तर त्याचा टी 20 वर्ल्डकपच्या संघासाठी नक्की विचार केला जाईल.

पीटीआयशी बोलताना जय शहा म्हणाले की, 'तो फलंदाजी चांगली करतोय. तो किपिंग देखील चांगली करतोय. आम्ही त्याला लवकरच फिट घोषित करू. जर तो आमच्यासाठी टी 20 वर्ल्डकप खेळला तर ही आमच्यासाठी खूप मोठी गोष्ट असेल. तो आमच्यासाठी खूप महत्वाचा आहे.'

शहा पुढे म्हणाले की, 'जर तो विकेटकिपिंग करू शकला तर तो वर्ल्डकप खेळले. तो आयपीएलमध्ये कशी कामगिरी करतोय हे पाहू.' पंतचा डिसेंबर 2022 मध्ये मोठा अपघात झाला होता. त्या अपघातात त्याच्या गुडघ्याला मोठी इजा झाली होती. त्याला गुडघ्यावर शस्त्रक्रिया करून घ्यावी लागली. तसेच घोटा आणि मनटग देखील फ्रॅक्चर होते.

इतक्या इंज्युरीनंतर देखील ऋषभ पंत मैदानावर परतला असून तो आयपीएलमध्ये आपला फिटनेस सिद्ध करून दाखवेल. त्याची फ्रेंचायजी दिल्ली कॅपिटल्सचे कोच रिकी पाँटिंग यांनी आधीच पंत हा लीगसाठी तयारी करत असल्याचं सांगितलं आहे.

(Cricket News In Marathi)