Vinod Kambli Video Viral : एक काळ असा होता जेव्हा विनोद कांबळीने भारतीय क्रिकेट संघासाठी आपल्या कारकिर्दीची सुरुवात केली तेव्हा सचिन तेंडुलकरपेक्षा तो चांगला क्रिकेटर मानला जात होता. पण काळाचे चाक असे फिरले की सर्वकाही बदलले.... सचिनला क्रिकेटमध्ये देवाचा दर्जा मिळाला तर त्याचा मित्र विनोद कांबळीची अवस्था अशी झाली की त्याला इतरांवर अवलंबून राहावे लागते.

माजी भारतीय क्रिकेटपटू आणि सचिन तेंडुलकरचा जवळचा मित्र विनोद कांबळीचा नुकताच एक व्हिडिओ सोशल मीडियावर खूप लक्ष वेधून घेत आहे. या व्हिडिओमध्ये कांबळी इतका असहाय्य दिसत आहे की काही लोक त्याला रस्ता ओलांडण्यास मदत करताना दिसत आहेत. या व्हिडिओत त्याची अवस्था पाहून सगळेच हैराण झाले.

सोशल मीडियावरील काही वापरकर्त्यांनी विनोद कांबळी दारूच्या नशेत असल्याचा अंदाज लावला, तर इतर अनेकांनी सांगितले की त्याची तब्येत खालावल्यामुळे त्याला नीट चालता येत नाही. पण विनोद कांबळी असे पाहून त्याच्या चाहत्यांना काळजी वाटू लागली आहे. त्यामुळे काही चाहत्यांनी क्रिकेटचा देवा सचिन तेंडुलकरला बालपणीचा मित्र कांबळीची मदत करण्याची साद घालत आहे.

विनोद कांबळीची कारकीर्द

विनोद कांबळीची क्रिकेट कारकीर्द भलेही छोटी असली तरी ती चमकदार राहिली आहे. त्याने भारतासाठी 17कसोटी सामने खेळले. त्याने 2 फेब्रुवारी 1993 रोजी इडन गार्डन्सवर इंग्लंडविरुद्ध पदार्पणात 1084 धावा केल्या. कांबळीने त्याच्या कसोटी कारकिर्दीव्यतिरिक्त 104 एकदिवसीय सामन्यांमध्ये 32.59 च्या सरासरीने 2477 धावा केल्या. 129 सामन्यांमध्ये 59.67 च्या प्रभावी सरासरीने 9965 धावांसह त्याचा प्रथम श्रेणी क्रिकेटमधील विक्रम प्रशंसनीय आहे.