Sarfaraz Khan Apologies To Sunil Gavaskar : मुंबईकडून धावांचा पाऊस पाडल्यानंतर अखेर सर्फराज खानला इंग्लंडविरूद्धच्या 5 कसोटी सामन्यांच्या मालिकेत खेळण्याची संधी मिळाली होती. पदार्पणाच्या या मालिकेत सर्फराजने दमदार फलंदाजी करत सर्वांचे लक्ष वेधून घेतलं. त्याने तीन कसोटी सामन्यात तीन अर्धशतकी खेळी केल्या. मालिकेतील शेवटच्या कसोटीत तो 56 धावा करून बाद झाला होता.
धरमशाला कसोटीत चहापानानंतर सर्फराज खान एक खराब फटका मारून बाद झाला होता. त्यावेळी सुनिल गावसकर समालोचन करत होते. त्यांना सर्फराजचे खराब फटका खेळून बाद होणे आवडले नाही.
त्यांनी समालोचन करताना म्हणाले की, 'डॉन ब्रॅडमनने मला एकदा सांगितले होते की ज्यावेळी चेंडूचा सामना करतो त्यावेळी मी जरी 200 धावांवर खेळत असलो तरी मी तो चेंडू शुन्यावर असल्यासारखाच खेळतो. दुसरीकडे सर्फराज हा या प्रकारे खराब फटका मारून बाद होतोय.'
मिळालेल्या माहितीनुसार सर्फराज खानने सुनिल गावसकरांची माफी मागितली आहे. युएईचे वर्तमानपत्र द नॅशनल न्यूजने दिलेल्या वृत्तानुसार दुबईचे व्यावसायिक श्याम भाटिया यांनी सर्फराज खान आणि सुनिल गावसकर यांची भेट घडवून आणली होती.
श्याम भाटिया म्हणाले की, 'सर्फराज आणि सुनिल गावसकर हे 45 मिनिटांपर्यंत चर्चा करत होते. त्यानंतर सर्फराज टी ब्रेकनंतर खराभ फटका मारून बाद झाला. सुनिल गावसकर सर्फराजवर जाम भडकले होते. दुसऱ्या दिवशी सर्फराज खान माझ्या सोबत होता त्याने मला सांगितले की सर कृपा करून माझ्या वतीने सुनिल गावसकर सरांची माफी मागा. माझ्याकूडन चूक झाली. मी ही चूक परत करणार नाही.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.