Shubman Gill meets Robin Minz's father : आयपीएल 2024 साठी डिसेंबरमध्ये झालेल्या मिनी लिलावात अनकॅप्ड खेळाडू रॉबिन मिन्झवर पैशांचा वर्षाव झाला. झारखंडच्या रॉबिन मिन्झला गुजरात टायटन्सने 3.6 कोटी रुपयांना विकत घेतले. या मिनी लिलावानंतर रॉबिन मिन्झचे वडील चर्चेत आले.
आता पुन्हा एकदा ते चर्चेत आहेत. खरंतर गुजरात टायटन्सचा कर्णधार शुभमन गिलने रॉबिन मिन्झच्या वडिलांची गुजरात विमानतळावर भेट घेतली. भारतीय संघातील प्रिन्स शुभमनने यावेळी त्याच्या वडिलांशी बराच वेळ चर्चा केली. इंग्लंडविरुद्धची कसोटी मालिका जिंकल्याबद्दल रॉबिन मिन्झच्या वडिलांनी शुभमन गिलचे अभिनंदन केले. तसेच मिन्झला खरेदी केल्याबद्दल गुजरात टायटन्सचे आभार मानले.
शुभमन गिलनेही रॉबिन मिन्झच्या वडिलांशी हस्तांदोलन केले आणि मुलाच्या भविष्यासाठी शुभेच्छा दिल्या. यादरम्यान गिलने त्याच्यासोबत क्लिक केलेला फोटोही पाहायला मिळाला. रॉबिन मिन्झचे वडील निवृत्त लष्करी सैनिक आहेत. सध्या ते विमानतळ सुरक्षेत कार्यरत आहेत.
निडरपणे फलंदाजी करणारा रॉबिन मिन्झ हा आयपीएलमध्ये खेळणारा पहिला आदिवासी क्रिकेटपटू ठरणार आहे, हे विशेष. गेल्या दोन वर्षांपासून देशांतर्गत क्रिकेटमध्ये रॉबिन मिन्झ चमकदार कामगिरी करत आहे.
यंदा मुंबई इंडियन्सने इंग्लंडमध्ये 30 खेळाडूंचे शिबिर आयोजित केले होते. रॉबिन मिन्झचा खेळ पाहिल्यानंतर त्याचाही या शिबिरात समावेश करण्यात आला. लिलावानंतर रॉबिन मिन्झच्या वडिलांनी सांगितले होते की, काही दिवसांपूर्वी त्यांनी महेंद्रसिंग धोनीची रांची विमानतळावर भेट घेतली होती. यावेळी, माजी भारतीय कर्णधाराने त्याला सांगितले होते की, जर कोणत्याही संघाने रॉबिन मिन्झला लिलावात खरेदी केले नाही, तर चेन्नई सुपर किंग्ज त्याला नक्कीच सामील करेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.