Wanindu Hasarnga News: भारत-श्रीलंका यांच्यामधील आगामी क्रिकेट मालिकेचे वेळापत्रक गुरुवारी जाहीर करण्यात आले. उभय देशांमधील ही मालिका श्रीलंकेत पार पडणार आहे.

दोन देशांमध्ये तीन टी-२० सामन्यांची व तीन एकदिवसीय सामन्यांची मालिका खेळवण्यात येणार असून २६ जुलैपासून या मालिकेला प्रारंभ होणार आहे. मात्र त्यापूर्वीच श्रीलंकेला मोठा धक्का बसला आहे.

हसरंगाची कर्णधारपदावरून माघार

भारताविरुद्ध मालिकेच्या पार्श्वभूमीवर श्रीलंकेला एक धक्का बसला आहे. अष्टपैलू खेळाडू वनिंदू हसरंगा याने श्रीलंकेच्या टी-२० संघाच्या नेतृत्वपदावरून माघार घेतली आहे. टी-२० विश्‍वकरंडकात सुमार कामगिरी केल्यामुळे हसरंगा याने नेतृत्व सोडण्याचा निर्णय घेतला आहे, मात्र खेळाडू म्हणून तो संघात कायम राहणार आहे.

मालिकांचे वेळापत्रक

भारत-श्रीलंका यांच्यामध्ये २६ जुलैपासून टी-२० मालिकेला प्रारंभ होणार आहे. २६, २७ व २९ जुलै यादरम्यान तीन टी-२० लढती पार पडतील, तसेच १ ऑगस्टपासून दोन देशांमध्ये एकदिवसीय मालिकेला सुरुवात होईल. १, ४ व ७ ऑगस्ट यादरम्यान एकदिवसीय लढती खेळवण्यात येतील. टी-२० लढती पाल्लेकेले व एकदिवसीय लढती कोलंबोमध्ये होणार आहेत.

टी-२० मालिकेचे वेळापत्रक (भारतीय वेळेनुसार संध्याकाळी सात वाजता सामने सुरू होतील)

• पहिला सामना - २६ जुलै.

• दुसरा सामना - २७ जुलै

• तिसरा सामना - २९ जुलै

एकदिवसीय मालिकेचे वेळापत्रक (भारतीय वेळेनुसार दुपारी २.३० वाजता सामने सुरू होतील.)

• पहिला सामना - १ ऑगस्ट

• दुसरा सामना - ४ ऑगस्ट

• तिसरा सामना - ७ ऑगस्ट