India squad for Sri Lanka Tour : श्रीलंका दौऱ्यासाठी संघनिवड अखेर जाहीर करण्यात आली. हार्दिक पंड्याऐवजी सूर्यकुमार यादव टी-२० मालिकेसाठी कर्णधार करण्यात आला आहे; तर एकदिवसीय मालिकेसाठी रोहित शर्मा आणि विराट कोहली यांनी पुनरागमन केले आहे. हार्दिकच्या फिटनेस समस्येमुळे बीसीसीआयने नवा कर्णधार निवडण्यास प्रवृत्त केल्याचे बोलले जात आहे.

दरम्यान सूर्याला सर्वात लहान फॉरमॅटमध्ये संघाचा कर्णधार म्हणून नियुक्त केल्यानंतर त्याचा एक जुना व्हिडिओ सोशल मीडियावर समोर आला.

स्टार स्पोर्ट्सने सोशल मीडियावर क्लिप शेअर केली, ज्यामध्ये सूर्यकुमारने त्याच्या कर्णधार कौशल्याबद्दल सांगितले. व्हिडिओ 2023 मधला आहे, जेव्हा सूर्याने भारतीय संघाला ऑस्ट्रेलियाविरुद्ध 4-1 असा विजय मिळवून दिला आणि त्यानंतर दक्षिण आफ्रिकेविरुद्ध सर्वात लहान फॉरमॅटमध्ये 1-1 अशी बरोबरी साधली.

तो म्हणाला, 'मी या नव्या भूमिकेचा आनंद घेत आहे. मी सर्वांसोबत वेळ घालवत आहे आणि आम्ही सर्वांनी खूप फ्रँचायझी किंवा राज्य क्रिकेट खेळले आहे, त्यामुळे त्यांची ताकद आणि कमकुवतपणा माहित आहे. आम्ही मैदानाबाहेरही बराच वेळ घालवतो, त्यामुळे मैदानावर चांगली मदत होते.

पुढे तो म्हणाला की, मला गोष्टी सोप्या ठेवायला आवडतात आणि मी प्रयत्न करतो आणि प्रत्येकाला सांगतो की गोष्टी सोप्या ठेवण्याचा प्रयत्न करा. खूप काही करण्याचा प्रयत्न करू नका आणि स्वतःला वेगळे दिसण्याचा प्रयत्न करू नका.

टी-20 वर्ल्ड कपसाठी भारतीय संघ : सूर्यकुमार यादव (कर्णधार), शुभमन गिल (उपकर्णधार), यशस्वी जयस्वाल, रिंकू सिंग, रियान पराग, रिषभ पंत, संजू सॅमसन, हार्दिक पंड्या, शिवम दुबे, अक्षर पटेल, वॉशिंग्टन सुंदर, रवी बिश्नोई, अर्शदीप सिंग, खलील अहमद आणि मोहम्मद सिराज.

भारतीय एकदिवसीय मालिकेसाठी संघ : रोहित शर्मा (कर्णधार), शुभमन गिल (उपकर्णधार), विराट कोहली, केएल राहुल, रिषभ पंत, श्रेयस अय्यर, शिवम दुबे, कुलदीप यादव, मोहम्मद सिराज, वॉशिंग्टन सुंदर, अर्शदीप सिंग, रियान पराग, अक्षर पटेल, खलील अहमद आणि हर्षित राणा.