Deepti Sharma IND vs WI Women T20 World Cup : महिला T20 विश्वचषक 2023 च्या ब गटातील महत्त्वाचा सामना भारत आणि वेस्ट इंडिज यांच्यात खेळला जात आहे. वेस्ट इंडिजच्या सामन्यात नाणेफेक जिंकून प्रथम फलंदाजी करताना त्यांना 20 षटकात 6 गडी गमावून केवळ 118 धावा करता आल्या. भारताकडून दीप्ती शर्माने दमदार गोलंदाजी करताना तीन विकेट घेतल्या आणि इतिहास रचला आहे.

दीप्ती शर्माने या सामन्यात चार षटकांत 15 धावा देत तीन विकेट घेतल्या. तीन विकेट घेतल्यानंतर दीप्ती टी-20 मध्ये भारतासाठी सर्वाधिक बळी घेणारी गोलंदाज ठरली आहे. या प्रकरणात त्याने पूनम यादवला मागे टाकले आहे. पूनमने आतापर्यंत 98 विकेट घेतल्या आहे. याशिवाय दीप्तीने आंतरराष्ट्रीय टी-20 मध्ये 100 विकेट्स पूर्ण केल्या आहेत.

पुरुष आणि महिला अशा दोन्ही टी-20 आंतरराष्ट्रीय सामन्यांमध्ये 100 बळींचा टप्पा गाठणारी ती पहिली भारतीय आहे. भारताच्या पुरुष क्रिकेटपटूंमध्ये युझवेंद्र चहलच्या नावावर सर्वाधिक त्याने 91 विकेट्स आहेत. 0दीप्तीने भारतासाठी आतापर्यंत 89 टी-20 सामन्यांत 100 विकेट घेतल्या आहेत. आंतरराष्ट्रीय टी-20मध्ये सर्वाधिक विकेट घेण्याचा विक्रम वेस्ट इंडिजच्या अनिसा मोहम्मदच्या नावावर आहे. त्याने 125 विकेट घेतल्या आहेत.