दक्षिण आफ्रिकेविरुद्ध आजपासून पाच सामन्यांच्या T20 आंतरराष्ट्रीय मालिका सुरु होणार आहे. कर्णधार केएल राहुल जायबंदी झाल्याने तो या सीरीजमधून बाहेर पडला आहे. या ५ सामन्यांच्या टी२० मालिकेसाठी भारतीय संघाच्या कर्णधारपदाची धुरा रिषभ पंत याच्याकडे सोपवण्यात आली आहे. कर्णधार पदाची जबाबदारी मिळताच पंतने खंत व्यक्त केली आहे.

पत्रकार परिषदेत पंतने हे पद मिळाल्यानंतर त्याच्या भावना व्यक्त केल्या आहेत. “ही शानदार भावना आहे. खूप चांगल्या परिस्थितीत नाही, पण त्याच्यात मी आनंदी आहे. मी बीसीसीआयला धन्यवाद देऊ इच्छितो की, त्यांनी मला भारतीय संघाचे नेतृत्व करण्याची संधी दिली. मी याचा पूर्ण फायदा उचलण्याचा प्रयत्न करेल. माझ्या सर्व हितचिंतकांना धन्यवाद, ज्यांनी माझ्या क्रिकेट कारकीर्दीतील चढ-उतारांमध्ये नेहमीच माझी साथ दिली. मी हाच आधार बनवत माझ्या कामगिरीत सुधारणा करण्याचा प्रयत्न करेल आणि आपल्या आयुष्याला प्रत्येक दिवशी चांगले बनवण्याचा प्रयत्न करेल अशी भावना त्याने यावेळी व्यक्त केली.

तसेच, आयपीएलमुळे मला नेतृत्व करण्यात मदत मिळाली. कारण, जेव्हा तुम्ही वारंवार हे करता, तेव्हा सुधारणा होते. मी त्यातीलच आहे, जो आपल्या चुकांमधून शिकतो आणि माझ्यामते येत्या काही दिवसांमध्ये मला यातून मदत होईल. असेही पंत यावेळी म्हणाला.

यासोबत त्याने द्रविड यांच्यासोबतचा अनुभव सांगितला. तो म्हणाला, त्यांचे जवळ असणेच सर्वात चांगल्या गोष्टींपैकी एक आहे. मी १९ वर्षांखालील क्रिकेटच्या दिवसांमध्ये त्यांच्यासोबत काम केले. त्यानंतर मी भारतीय संघात त्यांच्यासोबत काम केले. खूप अनुभवही आहे. ते एक दिग्गज क्रिकेटपटू आहेत. त्यांच्याकडून खूप काही शिकायला मिळाले. त्यांच्याकडून खूप काही शिकायचे बाकी आहे. अशी भावनादेखील त्याने व्यक्त केली आहे.