England Reece Topley World Cup 2023 : या वर्ल्ड कपमध्ये इंग्लंड क्रिकेट संघाची अवस्था अत्यंत वाईट आहे. संघाने आतापर्यंत 4 पैकी फक्त 1 सामना जिंकता आला आहे. अफगाणिस्तानविरुद्ध त्यांचा लाजिरवाणा पराभव झाला. यानंतर दक्षिण आफ्रिकेविरुद्धही त्याचा वाईट पराभव झाला.
दुष्काळात तेरावा म्हणजे, आता वेगवान गोलंदाज रीस टोपली वर्ल्ड कपमधून बाहेर होण्याच्या मार्गावर आहे. ज्याच्या बोटाला दुखापत झाली आहे.
स्काय स्पोर्ट्सशी बोलताना इंग्लंड संघाचे प्रशिक्षक मॅथ्यू मॉट म्हणाले की, आम्ही रीस टोपलीच्या बोटाच्या दुखापतीवर अपडेट्स घेत आहोत. तेथे थोडा क्रॅक असण्याची शक्यता आहे. त्यामुळेच त्याला खेळणे थोडे कठीण वाटते. जर टोपली वर्ल्ड कपमधून बाहेर पडला तर त्याची जागा कोणता खेळाडू घेईल हे निश्चित नाही. जोफ्रा आर्चरबद्दल चर्चा सुरू आहे. पण मॅथ्यू मॉटने स्पष्ट केले आहे की, जोफ्रा रीस टोपलीची जागा घेणार नाही.
रीस टोपलीचा आतापर्यंत वर्ल्ड कप चांगला गेला आहे. तो आतापर्यंत इंग्लंडकडून 3 सामने खेळला आहे. ज्यामध्ये त्याने 8 विकेट्स घेतल्या. दक्षिण आफ्रिकेविरुद्धच्या गेल्या सामन्यात त्याने 3 विकेट घेतल्या आहे. असे असतानाही इंग्लंडचा संघ हा सामना हरला.
सध्याचा इंग्लंड संघ : जोस बटलर (कर्णधार), मोईन अली, गुस ऍटकिन्सन, जॉनी बेअरस्टो, सॅम करन, लियाम लिव्हिंगस्टोन, डेविड मलान, आदिल रशीद, जो रूट, जेसन रॉय, बेन स्टोक्स, रीस टोपली, डेव्हिड विली, मार्क वुड, ख्रिस व्हॉक्स.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.