India vs England Test Series 2024 : आवश्यक कागदपत्रांच्या पूर्ततेस विलंब लागलेला असल्यामुळे इंग्लंड कसोटी संघातील नवोदित फिरकी गोलंदाज शोएब बाशिर याला भारतात येण्याचा व्हिसा अजून मिळालेला नाही, त्यामुळे त्याला अबुधाबीतच थांबावे लागले आहे. इंग्लंडचा उर्वरित संघ रविवारी हैदराबादमध्ये दाखल झाला.
२० वर्षीय बाशिर याचे आई-वडील हे मूळचे पाकिस्तानी वंशाचे आहेत. इंगलंडचा संघ भारतात येण्याअगोदर तीन दिवस अबुधाबीत सरावासाठी थांबला होता. इंग्लंड संघाचे क्रिकेट ऑपरेशन कार्यकारी संचालक स्टुअर्ट हुपर हे बाशिरसह अबुधाबीत थांबले आहेत.
इंग्लंड संघाचे प्रशिक्षक ब्रँडन मॅकलम यांनी इंग्लंड मंडळाकडे बाशिरच्या व्हिसाचा मुद्दा उपस्थित केला आणि त्यांनी बीसीसीआय तसेच भारत सरकारशी चर्चा करून हा प्रश्न तातडीने सोडवण्याची मागणी केली.
भारतात अद्याप न आल्यामुळे बाशिर किमान दोन दिवसांच्या सरावास मुकणार आहे. त्याने अजून कसोटी पदार्पण केलेले नाही. भारतात सरावाची संधी अजून मिळालेली नसली, तरी तो पहिल्या कसोटीसाठी संघ निवडीकरिता उपलब्ध असेल, असे मॅकलम यांनी सांगितले. बाशिर उद्यापर्यंत संघात दाखल होईल, बीसीसीआय लवकरात लवकर त्याच्या व्हिसाचा प्रश्न मार्गी लावेल, असा विश्वास मॅकलम यांनी व्यक्त केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.