T20 World Cup 2024 Team India : भारतीय संघाचा स्टार अष्टपैलू खेळाडू हार्दिक पांड्या सध्या दुखापतीमुळे टीम इंडियातून बाहेर आहे. 2023 च्या एकदिवसीय वर्ल्ड कपदरम्यान त्याला दुखापत झाली होती. सध्या हार्दिक पांड्या संघात पुनरागमन करण्यासाठी खूप कसरत करत आहे. पूर्णपणे तंदुरुस्त नसल्यामुळे हार्दिक पांड्याला अफगाणिस्तानसोबतच्या टी-20 मालिकेसाठी संघात स्थान मिळालेले नाही.

हार्दिकच्या अनुपस्थितीत टी-20 संघाची कमान पुन्हा एकदा रोहित शर्माकडे सोपवण्यात आली आहे. आता हार्दिक पांड्या जून 2024 मध्ये होणाऱ्या टी-20 वर्ल्ड कप खेळताना दिसेल अशी पूर्ण आशा आहे. ज्यानंतर मोठा प्रश्न उपस्थित होत आहे की, हार्दिक पांड्या टी-20 संघात परतल्यानंतर रोहित शर्माचे कर्णधारपद जाणार का?

हार्दिक पांड्या सध्या संघात पुनरागमन करण्यासाठी मेहनत घेत आहे. हार्दिकच्या वर्कआउटचे व्हिडिओ सोशल मीडियावर सातत्याने येत आहेत. मात्र हार्दिक संघात कधी परतणार याबाबत अद्याप कोणतीही अधिकृत माहिती आलेली नाही. अफगाणिस्तानविरुद्धच्या टी-20 मालिकेत रोहित शर्मा कर्णधारपद भूषवताना दिसणार आहे. ज्यानंतर बातम्या समोर आल्या की, रोहित शर्मा टी-20 वर्ल्ड कप 2024 मध्येही टीम इंडियाचा कर्णधार असेल.

आता दुसरीकडे, हार्दिक पांड्याही टी-20 वर्ल्ड कपसाठी स्वत:ला तंदुरुस्त करत आहे. 2024 च्या टी-20 वर्ल्ड कप स्पर्धेत हार्दिक पांड्याच्या पुनरागमनानंतर टीम इंडियाचे नेतृत्व कोण करणार हे अजुन तरी ठरले नाही.

भारत आणि अफगाणिस्तान यांच्यातील तीन सामन्यांच्या टी-20 मालिकेतील पहिला सामना आज मोहालीतील पीसीए स्टेडियमवर खेळला जाणार आहे. या मालिकेत रोहित शर्मा आणि विराट कोहली यांचेही प्रदीर्घ कालावधीनंतर टी-20 संघात पुनरागमन झाले आहे. मात्र, विराट कोहली पहिल्या सामन्यात खेळताना दिसणार नाही.