AUS vs ENG Moeen Ali Fined : अ‍ॅशेसची पहिली कसोटी इंग्लंड आणि ऑस्ट्रेलिया यांच्यात खेळली जात आहे. आज टेस्टचा तिसरा दिवस आहे. आज आयसीसीने एक निवेदन जारी केले की, इंग्लंडचा अष्टपैलू खेळाडू मोईन अली आयसीसीच्या आचारसंहितेचा भंग केल्याप्रकरणी दोषी आढळला आहे. अलीला त्याच्या मॅच फीच्या 25 टक्के दंड ठोठावण्यात आला आहे.

या सामन्यात तो आयसीसीच्या आचारसंहितेचे उल्लंघन केल्याप्रकरणी दोषी आढळला होता. त्याला मॅच फीच्या 25 टक्के दंड ठोठावण्यात आला आहे. त्याची एका कसोटी सामन्याची फी 15 लाखांच्या जवळपास आहे आणि 25 टक्के दंड म्हणजे त्याला 3.75 लाख रुपये दंड भरावा लागेल. आयसीसीच्या निवेदनानुसार मोईनला अनुच्छेद 2.20 चे उल्लंघन केल्याप्रकरणी दोषी आढळले आहे.

खरं तर, पहिल्या कसोटीचा दुसरा दिवस ऑस्ट्रेलियाच्या पहिल्या डावाच्या 89 व्या षटकात मोईनला क्षेत्ररक्षण करताना सीमारेषेवर त्याच्या गोलंदाजीच्या हातावर ड्रायिंग एजंट लावताना दिसला होता. मोईनने गुन्हा कबूल केला आणि ICC एलिट पॅनेल ऑफ मॅच रेफरीच्या अँडी पायक्रॉफ्टने प्रस्तावित केलेली शिक्षा मान्य केली, त्यामुळे औपचारिक सुनावणीची गरज नव्हती.

अॅशेस मालिकेतील पहिली कसोटी 16 जूनपासून सुरू झाली. इंग्लंडचा कर्णधार बेन स्टोक्सने नाणेफेक जिंकून प्रथम फलंदाजी करण्याचा निर्णय घेतला. इंग्लंडकडून जॅक क्रॉलीने 61 तर जो रूटने सर्वाधिक 118 धावा केल्या. बेन स्टोक्स 1 धावा करून बाद झाला. इंग्लंडने पहिला डाव 393 धावांवर घोषित केला होता.

आता ऑस्ट्रेलियाचा पहिला डाव सुरू आहे. वृत्त लिहिपर्यंत ऑस्ट्रेलियाने 6 गडी गमावून 362 धावा केल्या असून ते इंग्लंडपेक्षा फक्त 31 धावांनी मागे आहेत. आज पहिल्या कसोटीचा तिसरा दिवस आहे.