ICC T20 World Cup 2024 : आयसीसीने नुकतेच वेस्ट इंडीज आणि युनायटेड स्टेट्स ऑफ अमेरिका येथे होणाऱ्या टी 20 वर्ल्डकपची तारीख जाहीर केली. टी 20 वर्ल्डकप 2024 ची सुरूवात ही जून 4 पासून होणार आहे. (BCCI Secretary Jay Shah)

मात्र या तारखेमुळे बीसीसीआयची डोकेदुखी वाढणार आहे. कारण बीसीसीआयला आयपीएलचे आयोजन करण्यासाठी फार कमी कालावधी मिळणार आहे. त्यातच भारतात यावेळी लोकसभेच्या निवडणुकीची धामधूम असणार आहे. त्यामुळे बीसीसीआय टेन्शनमध्ये आले आहे. (IPL 2024 News)

आयपीएल 2024 चा हंगाम हा 22 मार्च ते 19 मे दरम्यान सुरू होण्याची शक्यता आहे. तर भारताच्या काही भागात लोकसभेची निवडणूक ही मे मध्ये सुरू होईल. त्यामुळे बीसीसीआयला आयपीएलचे सामने हे भारताबाहेर हलवावे लागतील. गेला आयपीएल हंगाम हा 31 मार्चपासून 29 मे दरम्यान झाला होता. (Lok Sabha Election 2024)

मात्र दोन महत्वाच्या इव्हेंटमुळे बीसीसीआयला आपला पुढचा हंगाम शेवटी शेवटी आवरता घ्यावा लागणार असं दिसतंय. आयपीएल 2023 चा हंगाम हा 58 दिवसांचा होता.

मात्र आयसीसीने वर्ल्डकपसाठी जवळपास दोन आठवड्यांचा ब्रेक सक्तीचा केला आहे. त्यामुळे बीसीसीआयला आयपीएलची फायनल 19 मे पर्यंत खेळवावी लागणार आहे.

याबाबत बीसीसीआयच्या एका वरिष्ठ अधिकाऱ्याने सांगितले की, 'होय आम्हाला पुढच्या आयपीएल हंगामातील क्लिष्टतेची जाणीव आहे. आम्हाला इंग्लंडविरूद्धची मालिका देखील खेळायची आहे आणि भारतात लोकसभेची निवडणूक देखील आहे. तसेच जूनमध्ये वर्ल्डकप होणार आहे.'

'मात्र याबाबत आताच प्लॅनिंग करणे खूप घाईचे होईल. आम्ही सध्या फक्त ऑक्टोबरमध्ये मायदेशात होणाऱ्या वर्ल्डकपवर जास्त लक्ष केंद्रित केले आहे. याबाबतचा कोणताही निर्णय हा डिसेंबर - जानेवारी महिन्यातच घेतला जाईल.'

बीसीसीआयने 2019 मध्ये लोकसभेची निवडणूक आणि आयपीएलचा हंगाम याचे उत्तम नियोजन केले होते. त्यांनी आयपीएलचे भारताबाहेर आयोजन केले. मात्र 2014 मध्ये बीसीसीआयला ऐनवेळी काही सामने दुसऱ्या देशात हलवावे लागले.

2009 चा आयपीएल हंगाम देखील देशाबाहेर झाला होता. यावेळी देखील बीसीसीआयसमोर अशीच परिस्थिती निर्माण झाली आहे.

(Sports Latest News)