India vs Australia 2nd ODI 2023 Playing XI : भारत आणि ऑस्ट्रेलिया यांच्यातील 3 वनडे मालिकेतील दुसरा सामना 24 सप्टेंबरला होळकर स्टेडियम इंदूर येथे होणार आहे. या मालिकेतील पहिला सामना भारताने 5 विकेटने जिंकला होता. अशा स्थितीत भारतीय संघ दुसरी वनडे जिंकून मालिका जिंकण्याचा प्रयत्न करेल.

पहिल्या एकदिवसीय सामन्यात ऑस्ट्रेलियाकडून डेव्हिड वॉर्नरने अर्धशतक झळकावले, तर यष्टीरक्षक जोश इंग्लिसने 45 चेंडूत 45 धावांची दमदार खेळी केली. भारताकडून सलामीवीर ऋतुराज गायकवाड आणि शुभमन गिल यांनी 71 आणि 74 धावा करत संघाला दमदार सुरुवात करून दिली. नंतर केएल राहुलने (नाबाद 58) सूर्यकुमार यादव (50 धावा) सोबत 80 धावांची भागीदारी करून संघाचा विजय निश्चित केला.

पहिल्या एकदिवसीय सामन्यात श्रेयस अय्यर तिसऱ्या क्रमांकावर फलंदाजीला आला होता, पण त्याला केवळ 3 धावा करता आल्या, तर पाचव्या क्रमांकावर असलेला इशान किशनही 18 धावा करून पॅव्हेलियनमध्ये परतला. या दोघांवर दुसऱ्या वनडेत चांगली कामगिरी करण्याचे दडपण नक्कीच असेल.

गोलंदाजीबद्दल बोलायचे झाले तर, मोहम्मद शमीने 51 धावांत 5 विकेट घेतल्या. मात्र, शार्दुल ठाकूर चांगलाच महागात पडला. त्याने 10 षटकात 78 धावा दिल्या, पण एकही विकेट घेऊ शकला नाही. त्यामुळे केएल राहुल दुसऱ्या एकदिवसीय सामन्यात टीम इंडियाच्या प्लेइंग इलेव्हनमध्ये एक किंवा दोन बदल करण्याची शक्यता आहे.

भारताची संभाव्य प्लेइंग इलेव्हन : शुभमन गिल, ऋतुराज गायकवाड, श्रेयस अय्यर, इशान किशन, केएल राहुल (कर्णधार), सूर्यकुमार यादव, रवींद्र जडेजा, वॉशिंग्टन सुंदर, जसप्रीत बुमराह, मोहम्मद शमी, मोहम्मद सिराज.

ऑस्ट्रेलियाची संभाव्य प्लेइंग इलेव्हन : डेव्हिड वॉर्नर, मिचेल मार्श, स्टीव्ह स्मिथ, मार्नस लॅबुशॅग्ने, कॅमेरॉन ग्रीन, जोश इंग्लिस, मार्कस स्टॉइनिस, मॅथ्यू शॉर्ट, पॅट कमिन्स (कर्णधार), जोश हेझलवूड, अॅडम झाम्पा.