IND vs AUS 5th T20I Why Deepak Chahar is not playing : बंगळुरू येथे सुरू असलेल्या भारत विरुद्ध ऑस्ट्रेलिया सामन्यात भारत पुन्हा एकदा प्रथम फलंदाजीसाठी उतरला आहे. दीपक चहर मालिकेतील शेवटच्या सामन्यात सूर्यकुमार यादवच्या नेतृत्वाखालील संघात खेळताना दिसणार नाही.
भारत आणि ऑस्ट्रेलिया यांच्यात पाच सामन्यांच्या टी-20 मालिकेतील शेवटचा सामना बेंगळुरूच्या एम चिन्नास्वामी स्टेडियमवर खेळला जात आहे. मात्र, या सामन्यापूर्वी भारतीय संघाला मोठा झटका बसला आहे, याची माहिती कर्णधार सूर्यकुमार यादवने नाणेफेकदरम्यान दिली.
ऑस्ट्रेलियाचा कर्णधार मॅथ्यू हेडने नाणेफेक जिंकून प्रथम गोलंदाजी करण्याचा निर्णय घेतला आहे. टीम इंडिया प्रथम फलंदाजी करेल. कर्णधार सूर्यकुमार यादवने सांगितले की, अर्शदीप सिंग या सामन्यात खेळत आहे. दीपक चहर कौटुंबिक कारणांमुळे घरी गेला आहे.
तिसर्‍या सामन्यापूर्वी दीपक चहर संघात सामील झाला होता, कारण मुकेश कुमारने लग्नामुळे एका सामन्यातून ब्रेक घेतला होता आणि चौथ्या सामन्यात तो परतला होता. तर दीपक चहर या मालिकेत फक्त एकच सामना खेळला, तो पण चौथा. त्या सामन्यात त्याने दोन विकेट्स घेतल्या.
दीपक चहरला जवळपास वर्षभरानंतर आंतरराष्ट्रीय क्रिकेटमध्ये पुनरागमन करण्याची संधी मिळाली, परंतु घरी कोणीतरी आजारी असल्यामुळे त्याला संघ सोडावा लागला. मात्र, चांगली गोष्ट म्हणजे तो दक्षिण आफ्रिकेच्या दौऱ्यावर जाणार आहे. त्याची टी-20 आणि एकदिवसीय मालिकेसाठी संघात निवड झाली आहे.
भारताची प्लेइंग इलेव्हन - यशस्वी जैस्वाल, गायकवाड, श्रेयस अय्यर, सूर्यकुमार यादव (कर्णधार), रिंकू सिंग, जितेश शर्मा, अक्षर पटेल, रवी बिश्नोई, आवेश खान, मुकेश कुमार, अर्शदीप सिंग.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.