India vs England Test Series : भारत आणि इंग्लंड यांच्यातील हैदराबादमध्ये गुरुवार 25 जानेवारीपासून सुरू होणाऱ्या पहिल्या कसोटीपूर्वीच टीम इंडियाला मोठा धक्का बसला आहे. भारताच्या सराव सत्रादरम्यान मंगळवारी नेटमध्ये फलंदाजी करताना श्रेयस अय्यरच्या उजव्या हाताला दुखापत झाली.

आज सकाळी सराव सत्रात श्रेयस अय्यरच्या डाव्या मनगटावर चेंडू लागला. थ्रो डाऊनने टाकलेला चेंडू त्यांच्या मनगटावर जोरात लागला. आणि तो वेदनेने ओरडताना दिसला. त्यावेळी टीम इंडियाच्या वैद्यकिय टीमची दमछाक झाली, एक चेंडू खेळल्यानंतर मैदानातून बाहेर आला. मग वैद्यकिय टीमने श्रेयस अय्यरच्या डाव्या मनगटावर आईस पॅक ठेवला.

अय्यरच्या दुखापतीमुळे टीम इंडियासाठी डोकेदुखी असू शकते, कारण तो संघाच्या मधल्या फळीचा महत्त्वाचा भाग आहे. विराट कोहलीही पहिल्या दोन कसोटींसाठी उपलब्ध नाही. एक दिवस आधी त्याने वैयक्तिक कारणांमुळे पहिल्या दोन सामन्यांमधून आपले नाव मागे घेतले होते.

अशा परिस्थितीत मधल्या फळीची जबाबदारी फक्त अय्यर आणि केएल राहुलवर आहे. कोहलीच्या जागी रिंकू सिंग, रजत पाटीदार आणि सरफराज खान यांच्यापैकी एकाला संधी मिळू शकते.

पहिल्या कसोटी सामन्यापूर्वी दोन्ही संघ हैदराबादमध्ये सराव करत आहेत. इंग्लंडचा संघ रविवारी रात्री एक दिवस आधी हैदराबादला पोहोचला. जागतिक कसोटी चॅम्पियनशिपच्या दृष्टिकोनातून ही मालिका महत्त्वाची आहे. सध्या चॅम्पियनशिपच्या गुणतालिकेत भारतीय संघ दुसऱ्या स्थानावर आहे, तर इंग्लंड सातव्या क्रमांकावर आहे.