भारतीय संघाने इंग्लंडला पहिल्या डावात १८३ धावांत गुंडाळले. त्यानंतर रोहित शर्मा आणि लोकेश राहुल या दोघांनी ९७ धावांची सलामी दिली. राहुलने दमदार अर्धशतक ठोकले. रोहितला मात्र ३६ धावांवर माघारी जावे लागले. पाठोपाठ ४ धावांवर चेतेश्वर पुजाराही बाद झाला. कर्णधार विराट कोहलीकडून साऱ्यांनाच अपेक्षा होत्या. पण जेम्स अँडरसनच्या स्विंग गोलंदाजीवर विराट पहिल्याच चेंडूवर झेलबाद झाला. विराटची अशी अवस्था झाल्यानंतर चाहत्यांनी विराटला तुफान ट्रोल केले.

विराटची पहिल्या चेंडूवर अँडरसनने घेतली विकेट-

विराटला ट्वीटरवर करण्यात आलं तुफान ट्रोल-

दरम्यान, इंग्लंडचा पहिला डाव १८३ धावांवर संपुष्टात आला. इंग्लंडला पहिल्यात षटकात धक्का बसला. रॉरी बर्न्स शून्य धावांवर बाद झाला. त्यानंतर क्रॉली आणि सिबली यांनी अर्धशतकी भागीदारी केली. पण क्रॉली २७ धावांवर बाद झाला. त्यानंतर सिबलीदेखील १८ धावांवर तंबूत परतला. बेअरस्टोने काही काळ रूटची चांगली साथ दिली. तो २९ धावांवर माघारी परतला. त्यानंतर इंग्लंडचे गडी झटपट बाद झाला. सॅम करनने काही काळ झुंज दिली. पण त्याला दुसरीकडून साथ मिळाली नाही. त्यामुळे इंग्लंडला १८३ धावांपर्यंतच मजल मारता आली.