IND vs PAK Asia Cup 2023 : चाहते 10 सप्टेंबर रोजी होणाऱ्या भारत आणि पाकिस्तान सामन्याची आतुरतेने वाट पाहत आहेत. मात्र, या दिवशी पुन्हा एकदा पावसाची भूमिका महत्वाची असू शकतो. हवामान खात्याच्या म्हणण्यानुसार 90 टक्के पाऊस येणार आहे. त्यामुळे चाहते निराश होऊ शकतात. पण खराब हवामानामुळे आशियाई क्रिकेट परिषदेला 10 सप्टेंबर रोजी होणाऱ्या भारत-पाकिस्तान सामन्यासाठी राखीव दिवस ठेवावा लागला.

पाऊस असला तरी या सामन्यासाठी रोहित शर्मा प्लेइंग-11 मध्ये दोन मोठे बदल करू शकतो. हे दोन्ही बदल संघाच्या विजयाचा पाया रचतील. यासोबत टीम इंडियाचे फलंदाज यावेळी पहिल्या सामन्यातील उणीवा दूर करतात का, हे पाहणे बाकी आहे. श्रेयस अय्यर आणि मोहम्मद शमी या दोन खेळाडूंना वगळल्या जाऊ शकते.

श्रेयस अय्यरचे संघातून बाहेर पडणे जवळपास निश्चित आहे. कारण पहिल्या सामन्यात अय्यरला विशेष काही करता आले नाही. तसेच अनेक महिन्यांनंतर केएल राहुल संघात पुनरागमन करु शकतो. केएल राहुलला वर्ल्ड कप 2023च्या संघात संधी मिळाली आहे. त्यामुळे बीसीसीआयसह निवडकर्त्यांना केएल राहुलला जास्तीत जास्त संधी द्यायची आहे.

काही दिवसांपूर्वी बुमराह वडील झाला आहे, त्यामुळे तो भारतात गेला होता. तर नेपाळसोबतच्या सामन्यात बुमराहऐवजी शमीची संघात निवड करण्यात आली होती. पण आता बुमराह पुन्हा संघात सामील झाला आहे. त्यामुळे संघाच्या प्लेइंग 11 मध्ये त्याचे पुनरागमन निश्चित आहे आणि शमी बाहेर जाईल.