India vs Sri Lanka Live Score Cricket World Cup 2023 : भारताच्या 358 धावांच्या आव्हानाचा पाठलाग करताना श्रीलंकेचा संपूर्ण डाव 55 धावात संपुष्टात आला. भारताने श्रीलंकेवर 302 धावांनी दणदणीत विजय मिळवला. भारताने यंदाच्या वर्ल्डकपमधील आपला सलग 7 वा सामना जिंकत दिमाखात सेमी फायनलमध्ये प्रवेश केला. सेमी फायनल गाठणारी भारत ही पहिली टीम ठरली.

भारताकडून मोहम्मद शामीने दमदार गोलंदाजी करत 18 धावात 5 विकेट्स घेतल्या. त्याला मोहम्मद सिराजने 3 तर जसप्रीत बुमराहने 1 विकेट्स घेतल्या. श्रीलंकेकडून कुसल रजिताने सर्वाधिक 14 धावा केल्या. महीष तिक्षाणा आणि अँजेलो मॅथ्यूजने प्रत्येकी 12 धावांचे योगदान दिले.

तत्पर्वी, भारत आणि श्रीलंका यांच्यातील सामन्यात प्रथम फलंदाजी करणाऱ्या भारताने श्रीलंकेविरूद्ध 50 षटकात बाद 357 धावा केल्या. भारताकडून सलामीवीर शुभमन गिलने 92 विराट कोहलीने 88 तर श्रेयस अय्यरने 82 धावांची खेळी केली. दुर्दैवाने भारताच्या एकाही फलंदाजाचे आज शतक पूर्ण झाले नाही. स्लॉग ओव्हरमध्ये चांगली फलंदाजी करत रविंद्र जडेजाने 24 चेंडूत 35 धावांचे योगदान दिले.

श्रीलंकेकडून डावखुरा वेगवान गोलंदाज दिलशान मदुशंकाने रोहित शर्मा, शुभमन गिल, विराट कोहली, सूर्यकुमार यादव आणि श्रेयस अय्यर यांची शिकार करत आपला पंजा पूर्ण केला. केएल राहुल दुश्मंता चमिराच्या गोलंदाजीवर 21 धावा करून बाद झाला.

मोहम्मद शामीने चमिराला शुन्यावर आणि अँजेलो मॅथ्यूजला 12 धावांवर बाद करत लंकेला दोन धक्के दिले.

बुमराह आणि सिराजने लंकेची टॉप ऑर्डर उडवल्यानंतर मोहम्मद शमीने आपल्या स्पेलच्या पहिल्याच षटकात सलग दोन विकेट्स घेत लंकेची अवस्था 6 बाद 14 धावा अशी केली.

भारताने 378 धावांचे आव्हान पार करताना श्रीलंकेची सुरूवात खराब झाली. जसप्रीत बुमराहने पहिल्याच षटकात लंकेला पहिला धक्का दिला. त्यानंतर मोहम्मद सिराजने तीन विकेट्स घेत लंकेची अवस्था 4 बाद 3 धावा अशी केली.

रविंद्र जडेजाने 35 धावांची उपयुक्त खेळी करत भारताला 50 षटकात 8 बाद 357 धावांपर्यंत पोहचवले.

केएल राहुल बाद झाल्यानंतर श्रेयस अय्यरने डावाची सूत्रे आपल्या हातात घेत 56 चेंडूत 82 धावा केल्या. अय्यरने 6 षटकार 3 चौकाराने ही खेळी सजवली. मात्र शतकाच्या जवळ पोहचला असताना तसेच स्लॉग ओव्हरमधील शेवटची दोन षटके राहिली असताना तो दिलशान मदुशंकाची पाचवी शिकार झाला.

विराट कोहली बाद झाल्यानंतर श्रेयस अय्यर आणि केएल राहुल यांनी अर्धशतकी (60) भागीदारी रचली. मात्र स्लॉग ओव्हर सुरू होण्यापूर्वीच राहुल 21 धावा करून बाद झाला.

विराट कोहली आणि शुभमन गिल हे दोन शतकाच्या जवळ पोहचल्यानंतर बाद झाले. भारताचे दोन्ही सेट फलंदाज बाद झाल्यामुळे भारताच्या धावगतीवर परिणाम होण्याची भिती होती. मात्र श्रेयस अय्यर आणि केएल राहुलने धावगती जास्त कमी न होऊ देता भारताला 225 धावांपर्यंत पोहचवले.

शुभमन गिलनेही आपले अर्धशतक पूर्ण केले आहे. गिलने 55 चेंडूंत आपले अर्धशतक झळकावले, ज्यात आठ चौकारांचा समावेश होता.

विराट कोहलीने आपले अर्धशतक पूर्ण केले आहे. कोहलीने 50 चेंडूत 8 चौकारांच्या मदतीने ही कामगिरी केली. भारताची धावसंख्या 16.4 षटकात एका विकेटवर 104 धावा.

चार धावांवर पहिली विकेट पडल्यानंतर विराट कोहली आणि शुभमन गिलने डावाची धुरा सांभाळली. दोघांनी मिळून 80 हून अधिक धावांची भागीदारी केली आहे. 14 षटकांनंतर भारताची धावसंख्या एका विकेटवर 85 धावा आहे. सध्या विराट 39 धावा करून क्रीजवर आहे तर शुभमनने 34 धावा केल्या आहेत.

पाच षटकांनंतर भारताची धावसंख्या एका विकेटवर 25 धावा आहे. विराट कोहली 10 आणि शुभमन गिल 9 धावांवर खेळत आहे.

भारतीय कर्णधार रोहित शर्माने चौकाराने सुरुवात केली, पण दुसऱ्याच चेंडूवर तो क्लीन बोल्ड झाला. त्याची विकेट दिलशान मधुशंकाने घेतली. रोहितला फक्त 4 धावा करता आल्या.

भारत : रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), सूर्यकुमार यादव, रवींद्र जडेजा, कुलदीप यादव, मोहम्मद शमी, जसप्रीत बुमराह, मोहम्मद सिराज.

श्रीलंका : पाथुम निसांका, दिमुथ करुणारत्ने, कुसल मेंडिस (कर्णधार/विकेटकीपर), सदिरा समरविक्रमा, चारिथ असालंका, दुशान हेमंथा, अँजेलो मॅथ्यूज, महिष तिक्षना, कसून राजिथा, दुष्मंथा चमीरा, दिलशान मदुशंका.

श्रीलंकेचा कर्णधार कुसल मेंडिसने नाणेफेक जिंकून प्रथम गोलंदाजी करण्याचा निर्णय घेतला. त्याने प्लेइंग-11 मध्ये एक बदल केला आहे. धनंजय डी सिल्वाच्या जागी फिरकीपटू दुशान हेमंताचा संघात समावेश करण्यात आला आहे.

त्याचबरोबर भारतीय कर्णधार रोहित शर्माने प्लेइंग-11 मध्ये कोणताही बदल केलेला नाही. म्हणजेच श्रेयस अय्यर, सूर्यकुमार खेळताना दिसणार आहेत.

Accuweather च्या वेबसाईटनुसार, गुरुवारी मुंबईचे हवामान स्वच्छ असणार आहे. पावसाची शक्यता फक्त 2 टक्के आहे. मात्र, दव पडण्याची शक्यता आहे. अहवालानुसार हवामान स्वच्छ राहिल्यास चाहत्यांना नॉन-स्टॉप क्रिकेट पाहायला मिळेल. दोन्ही संघांसाठी येथे नाणेफेक महत्त्वाची ठरणार आहे. येथे नाणेफेक जिंकल्यानंतर कर्णधार फलंदाजी निवडू शकतो. या मैदानावर दक्षिण आफ्रिकेने बांगलादेशविरुद्ध 382 धावा केल्या होत्या.