India vs Sri Lanka, Pink Ball Test - भारत आणि श्रीलंका यांच्यात शनिवारी पिंक बॉल टेस्ट खेळवली जाणार आहे. बंगळुरुच्या मैदानात होणारा सामना जिंकून टीम इंडिया (Team India) दोन सामन्यांच्या मालिकेत श्रीलंकेला क्लीन स्विप देण्याच्या इरद्याने मैदानात उतरेल. या सामन्यापूर्वी भारतीय संघाचा उप कर्णधार जसप्रित बुमराह (JaspritBumrah) याने प्रसारमाध्यमांशी संवाद साधला.

बंगळुरुच्या मैदानात रंगणाऱ्या डे-नाइट टेस्टसाठी भारतीय संघाची प्लेइंग इलेव्हन काय असेल? असा प्रश्न बुमराहला विचारण्यात आला होता. यावर बुमराह म्हणाला की, आम्ही खूप दिवसानंतर पिंक बॉल टेस्टसाठी मैदानात उतरणार आहोत. प्लेइंग इलेव्हनसंदर्भात टीम मिटींगमध्ये चर्चा झाली आहे. खेळपट्टीचा अंदाज घेऊन कोणाला खेळवायचे याचा निर्णय घेण्यात येईल.

दुसऱ्या कसोटी सामन्यापूर्वी टीम इंडियात एक बदल झालाय फिरकीपटू कुलदीप यादवच्या (KuldeepYadav ) जागा अक्षर पटेलची संघात वर्णी लागलीये. कुलदीपला बाहेर बसवण्याच्या निर्णयासंदर्भात बुमराहने मोठे वक्तव्य केले. कुलदीपला टीम इंडियातून ड्रॉप करण त्याच्या फायद्याच आहे. असे तो म्हणाला. बऱ्याच काळापासून तो बायोबबलमध्ये आहे. आता त्याला आयपीएल आधी कुटुंबियांसोबत वेळ घालवता येईल, असा उल्लेखही बुमराहने केला.

अक्षर पटेलच्या कमबॅकने टीम इंडियाची ताकद आणखी वाढेल. संघाला त्याचा फायदा होईल, असे सांगत अक्षर पटेलचे प्लेइंग इलेव्हनमधील स्थान पक्के असल्याचे संकतही त्याने दिली. याशिवाय रविंद्र जाडेजाला विश्रांती मिळणार नसल्याचे सांगून तोही प्लेइंग इलेव्हनचा भाग असल्याचे बुमराहने स्पष्ट केले.