Ind vs Wi Series : भारत आणि वेस्ट इंडिज यांच्यातील दोन सामन्यांची कसोटी मालिका 12 जुलैपासून सुरू होत आहे. वेस्ट इंडिज दौऱ्यावर भारताला 2 कसोटी, 3 वनडे आणि 5 टी-20 आंतरराष्ट्रीय सामने खेळणार आहेत. वेस्ट इंडिजच्या या दौऱ्यावर टीम इंडियाला आपल्या एका खेळाडूची नक्की उणीव भासेल. टीम इंडियाच्या या खेळाडूची कारकीर्द निवडकर्त्यांनी जवळपास संपवली आहे.

टीम इंडियाचा अनुभवी वेगवान गोलंदाज भुवनेश्वर कुमारची वनडे आणि टी-20 कारकीर्द कसोटीनंतर संपली असून आता या क्रिकेटपटूकडे निवृत्तीचाच पर्याय उरला आहे. भुवनेश्वर कुमारने टीम इंडियासाठी शेवटचा वनडे 21 जानेवारी 2022 रोजी दक्षिण आफ्रिकेविरुद्ध खेळला. याशिवाय भुवनेश्वर कुमारने टीम इंडियासाठी शेवटचा टी-20 सामना 22 नोव्हेंबर 2022 रोजी न्यूझीलंडविरुद्ध खेळला होता.

2018 साली दक्षिण आफ्रिकेविरुद्धच्या जोहान्सबर्ग कसोटी सामन्यात त्याच्या सर्वोत्तम कामगिरीच्या जोरावर भुवनेश्वर कुमार 'मॅन ऑफ द मॅच' ठरला होता, पण त्यानंतर त्याची कसोटी कारकीर्द जवळपास संपुष्टात आली होती. कारण यानंतर भुवनेश्वर कुमारला भारताच्या कसोटी संघात संधी मिळाली नाही.

कसोटी क्रिकेटमध्ये भुवनेश्वर कुमार हा टीम इंडियाची सर्वात मोठी ताकद होता. तो चेंडू दोन्ही बाजूंनी स्विंग करून विकेट घेत होता आणि गरज पडली तर फलंदाजीने चांगली कामगिरी करून भारतीय संघाला कठीण परिस्थितीतून बाहेर काढायचा.

मोहम्मद सिराज, उमरान मलिक, शार्दुल ठाकूर, जयदेव उनाडकट या घातक वेगवान गोलंदाजांनी आता भारताच्या एकदिवसीय आणि कसोटी संघात आपले स्थान निश्चित केले आहे. या गोलंदाजांमुळे भुवनेश्वर कुमारचे भारताच्या वनडे आणि कसोटी संघात पुनरागमन करणे आता अशक्य आहे.

भुवनेश्वर कुमार गेल्या वर्षी टी-20 विश्वचषक 2022 आणि आशिया कप 2022 मध्ये भारताच्या पराभवाचा सर्वात मोठा खलनायक ठरला. यादरम्यान भुवनेश्वर कुमारनेही जोरदार धावा लुटल्या होत्या. त्यामुळेच आता निवडकर्त्यांनी त्याला टीम इंडियातून बाहेरचा रस्ता दाखवला.