India Vs Australia Final : भारताचा कर्णधार रोहित शर्मा आणि ऑस्ट्रेलियाचा कर्णधार पॅट कमिन्स यांनी आज अहदमाबादमधील प्रसिद्ध अडालज विहिरीला भेट दिली. यावेळी या दोघांनी ट्रॉफीसोबत फोटोशूट देखील केले. हे फोटोशूट वर्ल्डकप 2023 च्या फायनलच्या पूर्वसंध्येला झाले.
भारताचा कर्णधार रोहित शर्मा आणि ऑस्ट्रेलियाचा कर्णधार पॅट कमिन्स हे 2023 मध्ये आयसीसी स्पर्धेच्या अंतिम फेरीत दुसऱ्यांदा आमने सामने आले आहेत. या वर्षीच्या सुरूवातीला वर्ल्ड टेस्ट चॅम्पियनशिपमध्ये भारत आणि ऑस्ट्रेलिया अंतिम फेरीत पोहचले होते.
हा सामना ओव्हलवर झाला होता. जरी वर्ल्ड टेस्ट चॅम्पियनशिपची फायनल ऑस्ट्रेलियाने जिंकली असली तरी उद्या मात्र त्यांच्यासमोर एक वेगळंच आव्हान असणार आहे.
वर्ल्डकप ट्रॉफीसोबतच्या फोटोशूटवेळी रोहित शर्मा ट्रॉफीच्या डाव्या बाजूला उभा आहे तर कमिन्स हा उजव्या बाजूला उभा आहे. इतिहास पाहिला तर फायनलमध्ये पोहचलेल्या संघाचा जो कर्णधार ट्रॉफीच्या डाव्या बाजूला उभा असतो तो सहसा ट्रॉफी जिंकतो. महेंद्रसिंह धोनी, मायकल क्लार्क, इऑन मॉर्गन हे फोटोशूटवेळी डाव्या बाजूला उभे होते. त्या सर्वांनी वर्ल्डकपवर आपला कब्जा केला.
अडालज विहिरीबद्दल बोलायचं झालं तर ही विहीर 1498 मध्ये बांधण्यात आली आहे. गुजरातमधील हा वास्तूशिल्पाचा एका उत्तम नमुना आहे. ही पायऱ्यांची सुंदर नक्षीकाम केलेली विहीर तब्बल 5 मजली आहे. ही ऐतिहासिक विहीर अहमदाबादला लागून असलेल्या भागात आहे. ही विहीर गुजरातच्या समृद्ध संस्कृतीचं प्रतिनिधित्व करते. गुजरात हे पर्यटनासाठी प्रसिद्ध असलेलं राज्य आहे. इथे मोठ्या संख्येने पर्यटक भेट देत असतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.