14व्या षटकात 93 धावांवर भारताला तिसरा धक्का बसला. नशरा संधूने कर्णधार हरमनप्रीत कौरला बिस्माह मारूफकडे झेलबाद केले. हरमनप्रीत 12 चेंडूत 2 चौकारांच्या मदतीने 16 धावा करून बाद झाली. 14 षटकांनंतर भारताने तीन गडी गमावून 95 धावा केल्या आहेत. टीम इंडियाला अजून 36 चेंडूत 55 धावांची गरज आहे.

भारताला 10व्या षटकात 65 धावांवर दुसरा धक्का बसला आहे. नशरा संधूने शेफाली वर्माला झेलबाद केले. अमीनने सीमारेषेवर उत्कृष्ट झेल घेतला. शेफाली 25 चेंडूत 33 धावा करून बाद झाली. त्याने आपल्या खेळीत चार चौकार मारले. भारताला आता 65 चेंडूत 85 धावा हव्या आहेत.

पॉवरप्लेच्या शेवटच्या षटकात म्हणजेच सहाव्या षटकात सादिया इक्बालने यास्तिका भाटियाला झेलबाद केले. यास्तिकाला 20 चेंडूत 17 धावा करता आल्या. सहा षटकांनंतर भारताने एक विकेट गमावून 43 धावा केल्या आहेत. सध्या शेफाली वर्मा 15 चेंडूत 24 धावांवर आहे आणि जेमिमा रॉड्रिग्ज एक धाव घेऊन क्रीझवर आहे.

पाकिस्तानचा कर्णधार बिस्माह मारूफने आपले अर्धशतक पूर्ण केले आहे. बिस्माहने 45 चेंडूत अर्धशतक पूर्ण केले आणि एकूण पाच चौकार मारले. 17.1 षटकांनंतर पाकिस्तानची धावसंख्या 4 बाद 120 आहे.

16 षटकांनंतर पाकिस्तानने 4 गड्यांच्या मोबदल्यात 109 धावा केल्या आहेत. रेणुका ठाकूरने 16व्या षटकात 18 धावा घेतल्या. आयशा नसीम आणि बिस्माह मारूफ यांनी आधीच पाचव्या विकेटसाठी 40+ धावांची भागीदारी केली आहे. आयशा 15 चेंडूत 29 धावा आणि बिस्माह मारूफने 50 धावावर फलंदाजी करत आहे.

13व्या षटकात 68 धावांवर पाकिस्तानला चौथा धक्का बसला. राधा यादवने सिद्रा अमीनला झेलबाद केले. सिद्राला 18 चेंडूत 11 धावा करता आल्या. पाकिस्तानची धावसंख्या 13 षटकांनंतर 4 बाद 74 अशी आहे.

10 षटकांनंतर पाकिस्तानने तीन गडी गमावून 58 धावा केल्या आहेत. सध्या सिद्रा अमीन 8 धावा करून क्रीजवर आहे आणि बिस्माह मारूफने 28 चेंडूत 28 धावा केल्या आहेत. दोघांमध्ये आतापर्यंत 15 धावांची भागीदारी झाली आहे. भारताकडून दीप्ती शर्मा, राधा यादव आणि पूजा वस्त्राकर यांनी प्रत्येकी एक विकेट घेतली.

पाकिस्तानला सातव्या षटकात 42 धावांवर दुसरा धक्का बसला आहे. राधा यादवने मुनीबा अलीला बाद केले. मुनिबाने 14 चेंडूत 12 धावांची खेळी केली. त्याने कर्णधार बिस्माह मारूफसोबत दुसऱ्या विकेटसाठी 31 चेंडूत 32 धावांची भागीदारी केली. सात षटकांनंतर पाकिस्तानची धावसंख्या दोन बाद 42 अशी आहे.

पाकिस्तानच्या संघाला दुसऱ्याच षटकात पहिला धक्का बसला आहे. फिरकीपटू दीप्ती शर्माने अनुभवी जावेरिया खानला शॉर्ट फाईन लेगवर हरमनप्रीत कौरने झेलबाद केले. जवेरियाला सहा चेंडूंत आठ धावा करता आल्या. दोन षटकांनंतर पाकिस्तानची धावसंख्या एका विकेटवर 11 धावा आहे.

भारत : शेफाली वर्मा, यास्तिका भाटिया, हरलीन देओल, जेमिमाह रॉड्रिग्स, हरमनप्रीत कौर, ऋचा घोष, दीप्ती शर्मा, राधा यादव, रेणुका ठाकूर, पूजा वस्त्राकर, राजेश्वर गायकवाड.

खेळाडूंच्या दुखापतीमुळे भारतीय संघ व्यवस्थापन चिंतेत आहे. हरमनप्रीत खांद्याच्या दुखापतीमुळे त्रस्त होती, तर उपकर्णधार आणि सलामीवीर स्मृती मानधनाच्या बोटाला दुखापत झाली आहे. मात्र मंधाना या सामन्यातून बाहेर पडू शकते.

India Women vs Pakistan Women LIVE: भारतीय संघाने रविवारी महिला टी-20 विश्वचषकातील आपल्या मोहिमेला विजयाने सुरुवात केली. भारताचा पहिला सामना कट्टर प्रतिस्पर्धी पाकिस्तानविरुद्ध होता. केपटाऊनमधील न्यूलँड्स येथे हा सामना खेळला गेला. नाणेफेक जिंकून प्रथम फलंदाजी करताना 20 षटकांत 4 गडी गमावून 149 धावा केल्या. प्रत्युत्तरात भारताने 19 व्या षटकात तीन गडी गमावून लक्ष्य गाठले.

सविस्तर बातमी वाचण्यासाठी येथे क्लिक करा -