Shubman Gill Sara Ali Khan Dating : सोशल मीडियावर सध्या शुभमन गिलचा एक व्हिडिओ तुफान व्हायरल होत आहे. गिल हा टीम इंडियातील युवा आणि हँडसम हंक असा क्रिकेटर आहे. त्यामुळे त्याच्याबद्दल सोशल मीडियावर कायम चर्चा सुरू असते. यापूर्वी शुभमन गिलचे सचिन तेंडुलकरची मुलगी सारा तेंडलुकरशी देखील नाव जोडले गेले आहे. मात्र नव्या व्हिडिओवरून नवीनच चर्चा सुरू झाली आहे. शुभमन गिल आणि सारा एका हॉटेलच्या आवारात दिसल्याचा व्हिडिओ सध्या व्हायरल होत आहे. विशेष म्हणजे या व्हिडिओतील सारा ही सचिन तेंडुलकरची मुलगी सारा तेंडुलकर नसून अभिनेत्री सारा अली खान आहे. त्यामुळे शुभमन गिल सारा तेंडुलकरला नाही तर सारा अली खानला डेट करतोय की काय अशी प्रतिक्रिया सोशल मीडियावर उमटत आहे.
सारा अली खान आणि शुभमन गिल यांच्या पहिल्या व्हिडिओत हॉटेल लॉबीतून बाहेर पडताना दिसत आहेत. या व्हिडिओत सारा अली खान बॅग घेऊन बाहेर पडत आहेत. तर कॅमेरा पॅन केल्यानंतर एक व्यक्ती बॅग घेऊन हॉटेलच्या पायऱ्या उतरताना दिसते. नेटकऱ्यांच्या मते हा भारताचा सलामीवीर शुभमन गिल आहे.
दरम्यान, दुसरा व्हिडिओ हा विमानातील आहे. विमानातील कर्मचाऱ्यांबरोबर सारा अली खान सेल्फी घेताना दिसत आहे. हा व्हिडिओ विमानातील एका प्रवाशानेच घेतला आहे. सारा सेल्फी काढून झाल्यानंतर आपल्या जागेवर येऊन बसते. चर्चा अशी आहे की तिच्या शेजारी बसलेला व्यक्ती हा शुभमन गिल आहे.
ट्विटवर एक नेटकरी लिहितो की 'मी कदाचीत चुकीचा असू शकतो मात्र असं दिसतयं की शुभमन गिल आणि सारा अली खान एकमेकांच्या शेजारी बसले आहेत.' तोच नेटकरी हॉटेल लॉबीतील दुसरा व्हिडिओ शेअर करून म्हणतो की 'सारा आणि शुभमन पुन्हा एकत्र?' विमानातील त्यांचा व्हिडिओ पाहून एक नेटकरी म्हणतो की हो तेच दोघे आहेत मला असं वाटतयं की ते दोघे अधिकृतरित्या एकमेकांना डेट करत आहेत.' मात्र एक नेटकरी थट्टा करत म्हणतो की, 'जोपर्यंत सारा गिलचा सामना पाहण्यासाठी येत नाही तोपर्यंत माझा याच्यावर विश्वास बसणार नाही.'
सारा अली खान आणि शुभमन गिल हे एकमेकांना डेट करत आहेत अशी चर्चा ऑगस्ट महिन्यात सुरू झाली होती. त्यावेळी या दोघांना एकत्र एका रेस्टराँमध्ये पाहलं गेलं होतं. सारा अली खानचं यापूर्वी तिचे सहकलाकार सुशांतसिंह राजपूत आणि कार्तिक आर्यन सोबतही नाव जोडले गेले होते. चित्रपटात येण्यापूर्वी ती वीर पहारियाला देखील डेट करत होती. दुसरीकडे शुभमन गिलचे नाव सारा तेंडुलकरसोबत जोडले जात होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.