IPL 2023 Auction : इंडियन प्रीमियर लीग 2023ची उत्सुकता शिगेला पोहोचली आहे. शुक्रवारी 23 डिसेंबरला मिनी लिलाव कोची येथे आयोजित करण्यात येत आहे. या लिलावात कमी खेळाडूंवर बोली लावावी लागली तरी फ्रँचायझींमधील काही खेळाडूंसाठी खडतर लिलाव होऊ शकतो. त्यापैकी IPL चे दोन सर्वात मोठे संघ चेन्नई सुपर किंग्स (CSK) आणि मुंबई इंडियन्स (MI) यांचाही समावेश आहे.

या दोन्ही संघांकडे 20 कोटींहून अधिक रुपये शिल्लक आहेत. लिलावापूर्वी सीएसकेने ड्वेन ब्राव्होसह 7 खेळाडूंना सोडले तर मुंबईने 9 खेळाडूंना सोडले. दोन्ही फ्रँचायझींना सारख्याच खेळाडूंची गरज आहे त्यापैकी CSK ला 2 परदेशी खेळाडू आणि मुंबईला 3 परदेशी खेळाडूंची गरज आहे. दोन परदेशी खेळाडू आहोत ज्यांच्यावर दोन्ही मोठ्या फ्रँचायझी आपली पूर्ण ताकद पणाला लावू इच्छितात.

दोन्ही फ्रँचायझींना त्यांच्या संघात उत्कृष्ट अष्टपैलू खेळाडूंची गरज आहे. ज्यासाठी इंग्लंडचा युवा सॅम करन आणि ऑस्ट्रेलियाचा कॅमेरून ग्रीन सर्वोत्तम आहेत. दोन्ही खेळाडूंमध्ये बॅट आणि बॉलने संघासाठी योगदान देण्याची ताकद आहे. त्यापैकी कॅमेरून ग्रीन अतिशय आक्रमक ठरत आहे. त्याच वेळी सॅम करणने 2022 मध्ये देखील चमकदार कामगिरी केली आहे. त्‍याला टी-20 विश्‍वचषकाच्‍या फायनलमध्‍येही सामनावीराचा बहुमान मिळाला होता. एवढेच नाही तर त्याला टूर्नामेंटचा सर्वोत्तम खेळाडू म्हणूनही गौरविण्यात आले.

टी-20 विश्वचषकापूर्वी ऑस्ट्रेलियाचा संघ भारताच्या दौऱ्यावर आला होता. ज्यामध्ये कॅमेरून ग्रीनची सर्वोत्तम कामगिरी भारतीय खेळपट्ट्यांवर पाहायला मिळाली. तीन टी-20 मालिकेतील 2 सामन्यात त्याने अर्धशतकी खेळी खेळली. ज्यामध्ये त्याने 39.33 च्या सरासरीने 118 धावा केल्या. याशिवाय गोलंदाजीतही त्याने चमकदार कामगिरी केली. अशा परिस्थितीत तो आयपीएलमधील कोणत्याही संघासाठी प्रभावी ठरू शकतो. दोन्ही खेळाडू लिलावात सहभागी झाले असून त्यांची मूळ किंमत 2 कोटी रुपये आहे.