IPL 2023 BCCI Workload Management : आयपीएल 2023 ची नुकतीच सुरूवात झाली आहे तोपर्यंतच बीसीसीआयने भारतीय संघातील खेळाडूंना नव्या सुचना केल्या आहेत. बीसीसीआयने आयपीएल सुरू होण्यापूर्वी फ्रेंचायजी आणि एनसीएला भारतीय क्रिकेटपटूंच्या वर्कलोड मॅनेज करण्यास सांगितले होते. आता बीसीसीआने भारतीय संघातील मोहम्मद सिराज, मोहम्मद शमी आणि इतर गोलंदाजांना त्यांचा वर्कलोड वाढवण्यास सांगितला आहे.

बीसीसीआयने हा निर्णय 7 जूनपासून सुरू होणाऱ्या वर्ल्ड टेस्ट चॅम्पियनशिप फायनलला समोर ठेवून घेतला आहे. बीसीसीआयने करारबद्ध गोलंदाजांना आयपीएल दरम्यान त्यांचा वर्कलोड वाढवण्यास सांगितले आहे. आयपीएलचा अंतिम सामना आणि WTC चा अंतिम सामना यांच्यात फक्त 1 आठवड्याचा अवधी मिळणार आहे. त्यामुळे मोहम्मद शमी, मोहम्मद सिराज, उमेश यादव, शार्दुल ठाकूर आणि इतर गोलंदाजांना ड्युक बॉलवर आठवड्याला 33 षटके टाकण्यास सांगितले आहे. ड्युक बॉल हा इंग्लंडमध्ये वापरण्यात येतो.

याबाबत बीसीसीआयचा अधिकारी म्हणाला की, 'दोन्ही चेंडू खूप वेगळे आहेत. यामुळे सराव व्हावा यासाठी खेळाडूंचा वर्कलोड वाढवणे गरजेचे होते. त्यांना WTC फायनलसाठी तयारी करायला फक्त एक आठवडा मिळणार आहे. नक्कीच त्याच्या फ्रेंचायजीमधील फिजिओंना त्यांच्यावर बारीक लक्ष ठेवण्यास सांगितले आहे. ते थेट वर्कलोड बाबत एनसीएला रिपोर्ट करणार आहेत.'

(Sports Latest News)