IPL 2024 BCCI Franchise Owner Meeting : बीसीसीआयने आयपीएलचा 17 वा हंगाम सुरू असतानाच अचानक आयपीएल संघ मालकांची एक बैठक बोलवली आहे. ही बैठक अहमदाबादमध्ये 16 एप्रिल रोजी होणार आहे. याबाबतची माहिती क्रिकबझने दिली. या बैठकीत अनेक धोरणात्मक निर्णयाबाबत चर्चा होणार आहे. यात प्रामुख्याने आयपीएलचं भविष्य आणि खेळाडूंच्या रिटेंशन, लिलाव आणि सॅलरी कॅपबद्दल चर्चा होण्याची शक्यता आहे.
बीसीसीआयने प्रत्येक फ्रेंचायजी मालकांना बैठकीचं निमंत्रण पाठवलं आहे. प्रत्येक संघ मालकांना हे आमंत्रण पोहचलं देखील आहे. हे सर्व संघ मालक आपल्या सीईओ आणि कार्यकारी स्टाफसह बैठकीला हजर राहतील अशी अपेक्षा आहे. याचबरोबर फक्त संघ मालकांसोबत देखील वेगळी बैठक याचवेळी होणार आहे.
या बैठकीला अध्यक्ष रॉजर बिन्नी, सचिव जय शहा आणि आयपीएल चेअरमन अरूण सिंह धुमल हे बीसीसीआयचे अधिकारी देखील उपस्थित असणार आहेत. या बैठकीचा अधिकृत अजेंडा अजून जाहीर झालेला नाही. आयपीएल सीईओ हेमंग अमिन यांनी या बैठकीचे आमंत्रण दिले आहे. त्यांच्या मते या बैठकीत मेगा लिलावासारख्या महत्वाच्या मुद्द्यावर देखील चर्चा होईल. मात्र अजून अधिकृतरित्या बैठकीचा अजेंडा घोषित करण्यात आलेला नाही.
सूत्रांनी क्रिकबझला दिलेल्या माहितीनुसार 'या बैठकीत आयपीएलची पुढची दिशा कशी असेल यावर चर्चा होईल.' आता या बैठकीत नेमकं काय होईल याची उत्सुकता सर्व आयपीएल प्रेमींना लागून राहिली आहे. कारण प्रत्येक आयपीएल संघ मालकाचा वेगळा दृष्टीकोण असेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.