Vamika Virat Kohli : विराट कोहली आणि अनुष्का शर्मा हे आपली मुलगी वामिकाला खूप प्रोटेक्ट करत असतात. सोशल मीडियावर वामिकाचे फोटो येऊ नयेत म्हणून ते कायम आग्रही असतात. मात्र असे असले तरी काही गोष्टी या विराट कोहली आणि अनुष्काच्या हातात राहत नाहीत. अशीच एक घटना आरसीबी आणि सीएसकेच्या सामन्यावेळी बंगळुरूच्या चिन्नास्वामी स्टेडियमवर घडली.
चिन्नास्वामी स्टेडियमवर सामना सुरू असताना एक लहानग्या मुलाने ज्याला डेटिंगचा अर्थही माहिती नसेल त्याने विराट कोहलीकडे थेट त्याच्या मुलीला डेटवर घेऊन जाण्यासाठी विचराणा केली. विराट अंकल मी तुमच्या वामिकाला डेटवर घेऊन जाऊ का? अशी विचारणा करणारा बॅनर घेतलेला एक मुलगा सध्या सोशल मीडियावर चांगलाच व्हायरल होत आहे.
विशेष म्हणजे या चिमुकल्याच्या पालकांनीच या गोष्टीसाठी प्रोत्साहन दिल्याचे फोटोतून स्पष्टपणे जाणवते. अशा प्रकारचा खोडसाळपणा आपल्या निरागस मुलाच्या खांद्यावर बंदूक ठेवून करणे हे निषेध करण्यायोग्यच आहे. सध्या सोशल मीडियावर हा चिमुकला चांगलाच व्हायरल होत आहे. अनेक नेटकऱ्यांनी या मुलाच्या पालकांवर टीका केली आहे.
एका नेटकऱ्याने 'इथे पालकांनी चूक केल्याचे दिसते. मला एक कळत नाहीये की लोकांना हे क्युट का वाटतंय?' दुसरा नेटकरी म्हणतो की, 'प्रत्येक मोठा, सज्ञान व्यक्ती याचे समर्थन करतोय हे खूप आश्चर्यकारक आहे. तो मुलगा किंवा वामिकाने यांना या पैकी काही नकोय.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.