CSK Reaction On Rohit Sharma : मुंबई इंडियन्सने रोहित शर्माला कर्णधारपदावरून हटवल्यानंतर रोहित अन् मुंबईचे चाहते नाराज झाले आहेत. त्यातच आता मुंबई इंडियन्सची कट्टर प्रतिस्पर्धी टीम चेन्नई सुपर किंग्जने देखील आयपीएल इतिहासातील या सर्वात यशस्वी कर्णधाराबद्दल ट्विट केलं. यावर रोहित शर्माची पत्नी रितिका सचदेहने दिलेली प्रतिक्रिया सध्या सोशल मीडियावर व्हायरल होत आहे. या प्रतिक्रियेचे अनेक अर्थ काढले जात आहेत.

चेन्नई सुपर किंग्जने धोनी आणि रोहितचा फोटो शेअर करत त्याला समर्पित आव्हान! रोहित तुझ्याबद्दल खूप आदर असं कॅप्शन दिलं. त्यावर रितिकाने हार्टचा इमोजी शेअर करत प्रतिक्रिया दिली. मात्र या हार्टचा रंग सर्व काही सांगून जात होता. रितिकाने पिवळ्या रंगाचा हार्ट शेअर केला. हा चेन्नईचा ब्रँड कलर आहे. रितिकाने मुंबई इंडियन्सचा ब्लू हा रंग न निवडता चेन्नईचा यलो रंग निवडला.

महत्वाची गोष्ट म्हणजे ज्यावेळी मुंबई इंडियन्सने रोहित शर्माच्या सन्मानार्थ सोशल मीडियावर पोस्ट केली त्यावेळी रितिकाने या पोस्टवर प्रतिक्रिया दिली नव्हती. यावरून जवळपास स्पष्ट होतं की रोहितकडून मुंबईची कॅप्टन्सी काढून घेणे रितिकाला आवडलेला नाही. रितिका सोडाच मुंबईच्या अनेक चाहत्यांना हा निर्णय पचनी पडलेला नाही. त्यांनी मुंबई इंडियन्सला अनफॉलो करण्या सुरूवात केली आहे.

(Sports Latest News)