SL Vs AFG Matheesha Pathirana ODI Debut : आयपीएलचा 16 वा हंगाम चेन्नई सुपर किंग्जने जिंकून पाचव्यांदा आयपीएल ट्रॉफीवर आपले नाव कोरले. यंदाच्या चेन्नईच्या संघातील अनेक युवा खेळाडूंनी दमदार कामगिरी केली. बेबी मलिंगा या नावाने प्रसिद्ध असणारा वेगवान गोलंदाज मथीशा पथिरानाने देखील यंदाच्या हंगामात आपल्या गोलंदाजीने सर्वांनाच प्रभावित केले. धोनीनेही त्याचे कौतुक केले. आज या पथिरानाने आंतरराष्ट्रीय वनडे क्रिकेटमध्ये श्रीलंकेकडून पदार्पण केले.
श्रीलंका आजपासून अफगाणिस्तानविरूद्ध मायदेशात तीन वनडे सामन्यांची मालिका खेळत आहे. आज या मालिकेतील पहिला वनडे सामना झाला. यात अफगाणिस्तानने श्रीलंकेचा 6 विकेट्सनी पराभव करत मालिकेत 1 - 0 अशी आघाडी घेतली आहे. नाणेफेक जिंकून प्रथम गोलंदाजी करणाऱ्या अफगाणिस्तानने श्रीलंकेला 268 धावात गुंडाळले. श्रीलंकेकडून असलंकाने 91 तर धनंजया डि सेल्वाने 51 धावांची खेळी केली. अफगाणिस्तानकडून फजलहक फारूकी आणि फरीद अहमद यांनी प्रत्येकी 2 विकेट्स घेतल्या. त्यांना अजमतुल्ला, मुजीब, नूर अहमद आणि नबीने प्रत्येकी 1 विकेट घेत चांगली साथ दिली.
श्रीलंकेचे 269 धावांचे आव्हान पार करताना अफगाणिस्तानने इब्राहीम झरदान आणि रहमत शाह यांनी दमदार फलंदाजी केली. झरदानने 98 चेंडूत 98 धावा चोपल्या त्याचे शतक अवघ्या 2 धावात हुकले. रमहतने 55 धावांची खेळी करत त्याला चांगली साथ दिली. लंकेकडून कुशल रजिताने सर्वाधिक 2 विकेट्स घेतल्या. तर कुमारा आणि पथिरानाने प्रत्येकी 1 विकेट घेतली.
चेन्नईचा स्टार गोलंदाज पथिरानाने आपल्या पदार्पणाच्या सामन्यात 8.5 षटके टाकली त्यात एकही षटक निर्धाव न टाकता तब्बल 66 धावा दिल्या आणि 1 विकेट घेतली. त्याने तब्बल 16 वाईड चेंडू टाकले. त्याने सर्वाधिक 7.50 धावा प्रतिषटकच्या सरासरीने धावा दिल्या. पथिरानाने तब्बल 16 वाईड बॉल टाकल्याने त्याचे पदार्पण फारसे चांगले झाले नाही असे आपण म्हणू शकतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.