IPL 2021 CSK vs SRH: चेन्नईच्या गोलंदाजांनी केलेल्या शिस्तबद्ध माऱ्यापुढे हैदराबादने २० षटकात केवळ १३४ धावांपर्यंतच मजल मारली. हैदराबादकडून वृद्धिमान साहाने सर्वाधिक ४४ धावा केल्या. तर चेन्नईकडून जोश हेजलवूडने २४ धावांत ३ बळी टिपले. १३५ धावांच्या माफक आव्हानाचा पाठलाग करताना मोईन अलीची विकेट चर्चेत राहिली.
१३५ धावांच्या आव्हानाचा पाठलाग करताना चेन्नईचे सलामीवीर ऋतुराज गायकवाड (४५) आणि फाफ डु प्लेसिस (४१) यांनी शतकी सलामी दिली. ऋतुराज गायकवाड जलदगतीने फटकेबाजी करत असताना बाद झाला. त्यानंतर आलेल्या मोईन अलीकडून संघाला अपेक्षा होत्या. पण १७ धावांव असताना त्याच्यासोबत एक विचित्र प्रसंग घडला. राशिद खानने टाकलेला चेंडू मोईन अलीच्या दोन पायांच्या मधून गेला. त्याला पुढे काही कळेपर्यंत चेंडूने स्टंपचा वेध घेतला आणि तो विचित्र प्रकारे त्रिफळाचीत झाला.
पाहा विचित्र क्लीन बोल्ड-
मोईन अली बाद झाल्यानंतर पुढच्याच षटकात अनुभवी सुरेश रैना २ धावा काढून माघारी परतला. त्याला फटकेबाजी करणं शक्य झालं नाही. त्याच षटकात सेट फलंदाज फाफ डू प्लेसिस एका चेंडूच्या अंतराने झेलबाद झाला. या दोघांच्या विकेटनंतर सामना रंगतदार अवस्थेत आला होता. पण शेवटच्या तीन षटकांमध्ये योग्य वेळी फटकेबाजी करून चेन्नईने विजय मिळवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.