IPL 2021: सनरायझर्स हैदराबाद (Sunrisers Hyderabad) आणि दिल्ली कॅपिटल्स (Delhi Capitals) यांच्यातील सामन्यात डेविड वॉर्नचा पुन्हा एकदा फ्लॉप शो पाहायला मिळाला. पहिल्यांदा बॅटिंगचा निर्णय घेतेलल्या हैदराबादची सुरुवातच खराब झाली. त्यामुळे निर्धारित 20 षटकात त्यांना कशीबशी 9 बाद 134 पर्यंत मजल मारता आली. अब्दुल समदने हैदराबादकडून सर्वाधिक 28 धावांची खेळी केली तर राशिद खानने 22 धावांची उपयुक्त खेळी केली.

नॉर्तजे आणि अक्षर पटेलने प्रत्येकी 2-2 विकेट घेतल्या. हैदराबादचे 3 फलंदाज रन आउट झाले. हैदराबादच्या डावातील पहिल्या षटकात एनरिक नॉर्तजे (Anrich Nortje) उसळत्या चेंडूवर डेविड वॉर्नर चांगलाच गडबडला. वॉर्नर चेंडू डिफेन्स करण्याच्या तोऱ्या दिसला. पण नोर्तजे 147.00 kph वेगाने फेकलेल्या चेंडू वॉर्नरला जज करता आला नाही. चेंडू बॅटला लागून उंच उडाला. अक्षर पटेलन सोपा झेल सहज टिपला.

नॉर्तजेनं आपल्या गोलंदाजी दरम्यान 151.37, 150.83, 149.97, 149.29, 148.76 kph वेगाने चेंडू फेकल्याचे पाहायला मिळाले. सनरायझर्स हैदराबाद विरुद्ध 151.37 kph वेगाना टाकलेला चेंडू यंदाच्या हंगामातील सर्वात वेगवान चेंडू ठरला. यंदाच्या हंगामात यापूर्वी रबाडाने 148.73 kph वेगाने चेंडू टाकला होता.

आयपीएलमध्ये सर्वाधिक वेगाने चेंडू टाकणारे गोलंदाज

आयपीएलच्या इतिहासात सर्वाधिक वेगाने चेंडू टाकण्यामध्ये नॉर्तजे दुसशर्या स्थानावर आहे. शेन टेटने 157.7 Kph चेंडू फेकला आहे. त्याच्यापाठोपाठ नॉर्तजे, डेल स्टेन आणि रबाडा यांचा नंबर लागतो.

1. शॉन टेट – 157.7 Kph

2. एनरिक नॉर्तजे – 156.2 Kph

3. एनरिक नॉर्तजे – 154.8 Kph

4. डेल स्टेन- 154.40 Kph

5. कागिसो रबाडा- 154.20 Kph