भारतीय क्रिकेट नियामक मंडळ अर्थात BCCI ने देशात होणाऱ्या लोकसभा निवडणुकांमुळे आयपीएल 2024 चे संपूर्ण वेळापत्रक जाहीर केलेले नाही. बीसीसीआयने लीगच्या पहिल्या 21 सामन्यांचे वेळापत्रक जाहीर केले होते. आणि बोर्ड लवकरच प्लेऑफ आणि फायनलसह लीग टप्प्याचे संपूर्ण वेळापत्रक जाहीर करेल.
दरम्यान, एक अहवाल समोर आला असून त्यात प्लेऑफचे ठिकाण उघड झाले आहे. असे सांगण्यात येत आहे की यावेळी आयपीएल 2024 चा अंतिम सामना चेन्नईच्या एमए चिदंबरम स्टेडियमवर आयोजित केला जाऊ शकतो.
बीसीसीआयने सध्या पहिल्या टप्प्यातील 21 सामन्यांचे वेळापत्रक जाहीर केले आहे, त्यातील पहिला सामना 22 मार्च रोजी झाला होता. आयपीएल 2024 च्या पहिल्या टप्प्यातील अंतिम सामना 7 एप्रिल रोजी होणार आहे. मंडळाने अद्याप आपला पुढील कार्यक्रम जाहीर केलेला नाही.
चेन्नईचे एम चिदंबरम चेपॉक स्टेडियम आयपीएल 2024 च्या अंतिम सामन्याचे आयोजन करू शकते. मागील दोन वेळा या स्पर्धेचा अंतिम सामना अहमदाबादच्या नरेंद्र मोदी स्टेडियमवर आयोजित करण्यात आला होता, परंतु यावेळी अंतिम सामना चेन्नईमध्ये खेळला जाऊ शकतो.
पीटीआय या वृत्तसंस्थेनुसार, एक क्वालिफायर आणि एक एलिमिनेटर सामना अहमदाबादमध्ये खेळवला जाईल, तर अंतिम आणि दुसरा क्वालिफायर चेन्नईमध्ये होईल. अंतिम सामना 26 मे रोजी होणार आहे.
मागील हंगामातील चॅम्पियन संघाच्या घरच्या मैदानावर आयपीएल सुरू करण्याची आणि अंतिम सामना आयोजित करण्याची परंपरा होती. पण 2020 मध्ये कोविडचे आगमन झाल्यानंतर हा नियम पाळता आला नाही. 2022 मध्ये गुजरात टायटन्सने विजेतेपद पटकावल्यामुळे गेल्या वेळीही आयपीएलची अंतिम फेरी अहमदाबादमध्ये झाली होती.
आयपीएल गव्हर्निंग कौन्सिलने गतवर्षीच्या गतविजेत्या चेन्नई सुपर किंग्ज (CSK) च्या घरच्या मैदानावर सुरुवातीचे सामने आणि अंतिम सामने आयोजित करण्याची परंपरा पाळली आहे, असे बीसीसीआयच्या एका अधिकाऱ्याने पीटीआयने सांगितले.
सीएसकेचा माजी कर्णधार महेंद्रसिंग धोनीची ही शेवटची आयपीएल असून या मोसमानंतर माही आंतरराष्ट्रीय क्रिकेटनंतर या स्पर्धेला अलविदा करेल, असे मानले जात आहे. चेपॉक स्टेडियम हे CSK चे होम ग्राउंड आहे.
धोनीच्या नेतृत्वाखाली सीएसकेने गेल्या वर्षी आयपीएलचे जेतेपद पटकावले होते, जे आयपीएलच्या इतिहासातील पाचवे विजेतेपद होते. CSK संघ अंतिम फेरी गाठण्यात यशस्वी ठरला तर चेन्नईच्या चाहत्यांना पुन्हा एकदा त्यांचा आवडता कर्णधार धोनी घरच्या मैदानावर खेळताना पाहण्याची संधी मिळू शकते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.