Sandeep Warrier as replacement for Mohammed Shami : आयपीएल 2024 साठी जवळपास सर्व तयारी पूर्ण झाली आहे. कारण आयपीएलचा थरार उद्यापासून म्हणजेच 22 मार्चपासून रंगणार आहे. जिथे एमएस धोनीच्या नेतृत्वाखाली चेन्नई सुपर किंग्जचा सामना फॅफ डु प्लेसिस आणि स्टार विराट कोहलीच्या रॉयल चॅलेंजर्स बंगळुरूशी होणार आहे. या सामन्यासाठी दोन्ही संघ चेन्नईत उपस्थित आहेत.

दरम्यान, गुजरात टायटन्सनेही आपल्या तयारीत कोणतीही कसर सोडली नाही. हंगाम सुरू होण्याआधीच दुखापतग्रस्त मोहम्मद शमीच्या बदलीची घोषणा केली आहे. वर्ल्ड कपदरम्यान झालेल्या दुखापतीमुळे शमी या संपूर्ण हंगामातून बाहेर आहे आणि त्याच्यावर शस्त्रक्रिया करावी लागली.

आयपीएल 2024 सुरू होण्याच्या दोन दिवस आधी म्हणजे बुधवार 20 मार्च रोजी गुजरात टायटन्सने त्यांच्या संघात बदल केले आणि संदीप वारियरचे नाव जाहीर केले. आयपीएल 2024 मध्ये शमीची जागा संदीप घेणार आहे.

भारताचा अनुभवी वेगवान गोलंदाज शमीवर नुकतीच यशस्वी शस्त्रक्रिया झाली आणि तो सध्या बरा झाला आहे. त्याच्या जागी खेळणाऱ्या संदीप वारियरने आतापर्यंत 5 आयपीएल सामने खेळले आहेत. गुजरात टायटन्सने त्याला ५० लाख रुपयांमध्ये आपल्या संघात समाविष्ट केले आहे.

संदीपच्या आयपीएल रेकॉर्डवर एक नजर टाकली तर, त्याने 5 सामन्यात केवळ दोन विकेट्स घेतल्या आहेत. मात्र, वॉरियरला आयपीएलमध्ये फारशा संधी मिळालेल्या नाहीत. तो केकेआरकडून आयपीएलमध्ये खेळला आहे. याशिवाय तो मुंबई इंडियन्स आणि रॉयल चॅलेंजर्स बंगळुरूचाही भाग राहिला आहे. देशांतर्गत क्रिकेटमध्ये तो केरळकडून खेळतो.

यावेळी गुजरात टायटन्स नवा कर्णधार शुभमन गिलच्या नेतृत्वाखाली खेळणार आहे. गिलवर केवळ फलंदाजीचेच नव्हे तर कर्णधारपदाचेही दडपण असेल. अशा स्थितीत अनुभवी गोलंदाज शमीची अनुपस्थिती संघात निश्चितच जाणवणार आहे.

शमी आयपीएल 2023 मधील मोसमातील आघाडीचा विकेट घेणारा गोलंदाज होता. अशा परिस्थितीत शमीच्या जागी कोणता गोलंदाज शुभमन गिलला खेळण्याची संधी मिळणार हे पाहणे औत्सुक्याचे ठरणार आहे.

IPL 2024 साठी गुजरात टायटन्सचा संघ - शुभमन गिल (कर्णधार), केन विल्यमसन, अभिनव मनोहर, डेव्हिड मिलर, मॅथ्यू वेड (यष्टीरक्षक), विजय शंकर, जयंत यादव, ऋद्धिमान साहा (यष्टीरक्षक), रशीद खान, जोश लिटल, नूर अहमद, राहुल तेवाटिया, दर्शन नळकांडे, रशीद खान. किशोर, बी साई सुदर्शन, मोहित शर्मा, अजमतुल्ला ओमरझाई, उमेश यादव, शाहरुख खान, सुशांत मिश्रा, कार्तिक त्यागी, मानव सुथार, स्पेन्सर जॉन्सन, रॉबिन मिंज, संदीप वॉरियर.