IPL 2024 Playoffs Scenario : आयपीएल 2024 मध्ये आतापर्यंत 57 सामने खेळल्या गेले आहे, परंतु अद्याप प्लेऑफची एकही जागा निश्चित झालेली नाही. त्यात मुंबई इंडियन्स शर्यतीतून बाहेर पडणारा पहिला संघ ठरला आहे.

सनरायझर्स हैदराबादने मंगळवारी लखनौ सुपर जायंट्सचा पराभव केला आणि मुंबई बाहेर पडली. 9 मे रोजी पंजाब किंग्ज आणि रॉयल चॅलेंजर्स बेंगळुरू यांच्यातील सामन्यानंतर आयपीएल 2024 मधून दुसरा संघ बाहेर पडेल.

12 सामन्यांतून 14 गुणांसह आणि नेट रन रेट -0.065 वरून +0.406 पर्यंत वाढल्याने, सनरायझर्स हैदराबाद टॉप चारमध्ये आली आहे. गुजरात टायटन्स आणि पंजाब किंग्जविरुद्धचे सामने जिंकल्यास तो 18 पर्यंत पोहोचू शकतो. त्यामुळे हैदराबादचे प्लेऑफमधील स्थान जवळपास निश्चित आहे.

हैदराबादकडून झालेल्या पराभवानंतर लखनौचा नेट रन रेट -0.769 वर घसरला आहे. त्याचे दोन सामने बाकी आहेत. दिल्ली कॅपिटल्स आणि मुंबई इंडियन्स विरुद्धचे सामने जिंकणे देखील प्लेऑफमध्ये पोहोचण्यासाठी पुरेसे असू शकत नाही.

कारण गुणतालिकेत लखनौच्या वरचे इतर चार संघ 16 किंवा त्याहून अधिक गुणांचे असू शकतात. कोलकाता नाईट रायडर्स, राजस्थान रॉयल्स, सनरायझर्स हैदराबाद आणि चेन्नई सुपर किंग्ज यांना 18 पर्यंत पोहोचण्याची संधी आहे.

गुरुवारी होणाऱ्या सामन्यात रॉयल चॅलेंजर्स बंगळुरू आणि पंजाब किंग्ज यांच्यात लढत होणार आहे. या दोन्ही संघांचे 11-1 सामन्यांत 8-8 गुण आहेत. दोघेही कमाल 14 गुणांपर्यंत पोहोचू शकतात. आतापर्यंतच्या समीकरणानुसार 14 गुण झाल्यास प्लेऑफ खेळण्याची शक्यता आहे.

म्हणजे बेंगळुरू आणि पंजाब या समीकरणात प्लेऑफसाठी निश्चितच दावेदार आहेत. पण गुरुवारी या दोघांपैकी कोणाचाही पराभव झाला तरी त्याचा प्लेऑफमधून पत्ता कट होणार आहे.