IPL 2024 Playoffs Scenarios : लखनौ सुपर जायंट्सचा पराभव करून दिल्ली कॅपिटल्सने आयपीएलचे प्लेऑफ समीकरण बऱ्याच अंशी सोडवले आहे. करो या मरोच्या सामन्यात दिल्लीने लखनौ सुपरजायंट्सचा 19 धावांनी पराभव केला. या विजयासह त्यांनी प्लेऑफच्या आशा अबाधित ठेवल्या आहेत.

दुसरीकडे, लखनौ सुपर जायंट्सचे टॉप-4 चे स्वप्न आता स्वप्नच राहिले आहे. लखनौ संघ आता गुणतालिकेत 12 गुणांसह (-0.787 नेट रन रेट) सातव्या स्थानावर आहे. शेवटचा सामना जिंकून तो 14 गुणांपर्यंत पोहोचू शकतो, पण प्लेऑफमध्ये जाऊ शकत नाही. आता कोणताही चमत्कार त्यांना गुणतालिकेत अव्वल 4 मध्ये नेऊ शकत नाही.

बंगळुरूच्या चाहत्यांमध्ये जल्लोषाचे वातावरण...!

लखनौवर दिल्ली कॅपिटल्सच्या विजयामुळे रॉयल चॅलेंजर्स बंगळुरूच्या चाहत्यांमध्ये जल्लोषाचे वातावरण आहे. आता आरसीबीचे प्लेऑफचे समीकरण पूर्वीपेक्षा सोपे झाले आहे.

एक दिवसापूर्वी, चेन्नई सुपर किंग्ज, सनरायझर्स हैदराबाद आणि लखनऊ सुपर जायंट्सचे संघ प्लेऑफच्या मार्गावर अडथळा होता. दिल्लीच्या विजयाने एलएसजीला आरसीबीच्या मार्गातून दूर केले आहे. आता जर आरसीबीने चेन्नई सुपर किंग्जला 18 धावांनी हरवले किंवा त्यांनी दिलेले लक्ष्य 18.1 षटकात पूर्ण केले तर त्यांचे प्लेऑफमधील स्थान निश्चित होईल. दिल्ली देखील 14 गुणांसह प्लेऑफच्या शर्यतीत आहे, परंतु खराब नेट रन रेटने (-0.377) त्याच्या मार्गात अडथळा ठरू शकते.

चेन्नईनेही घेतला सुटकेचा श्वास...

दिल्लीचा विजय चेन्नई सुपर किंग्जसाठीही आनंदाची बातमी आहे. चेन्नई आता आरसीबीविरुद्धचा सामना एका धावेने जिंकून प्लेऑफमध्ये थेट प्रवेश करू शकतो. दिल्लीने लखनौचा पराभव करेपर्यंत केएल राहुलचा संघही 16 गुणांच्या शर्यतीत होता. जर लखनौने आपले दोन्ही सामने जिंकले असते आणि चेन्नई आणि सनरायझर्स हैदराबादने प्रत्येकी एक सामना जिंकला असता, तर 16 गुणांवर 3 किंवा 4 संघांमध्ये बरोबरी झाली असती.

राजस्थान रॉयल्सचे अजूनही केवळ 16 गुण आहेत. दिल्लीचा पराभव झाला तर 16 गुणांसह एक संघ प्लेऑफमधून बाहेर पडण्याची शक्यता होती. पण दिल्लीच्या विजयाने ही सर्व समीकरणे उद्ध्वस्त झाली आहेत. आता चेन्नईचे समीकरण स्पष्ट झाले आहे. आरसीबीला हरवून प्लेऑफ खेळावे.

हैदराबादचे समीकरण झाले सोप्पे...

सनरायझर्स हैदराबादचे समीकरणही चेन्नईसारखेच आहे. या कारणास्तव दिल्लीच्या विजयाने हैदराबाद चाहत्यांनी सुटकेचा नि:श्वास सोडला असेल. दिल्ली हरली असती तर... आणि जर लखनौने आपले दोन्ही सामने जिंकले असते आणि चेन्नई सुपर किंग्जने शेवटचा सामना जिंकला असता तर दोघांचेही 16 गुण झाले असते.

याचा अर्थ असा की हैदराबादला एकतर त्यांचे उर्वरित दोन्ही सामने जिंकावे लागतील किंवा एक सामना जिंकल्यास नेट रनरेट चांगला करावा लागला असता. पण लखनौला हरवून दिल्लीने एसआरएचचे काम सोपे केले आहे. आता तो आपल्या दोनपैकी एक सामना जिंकून प्लेऑफ खेळू शकतो.

राजस्थान रॉयल्स प्लेऑफमध्ये

दिल्लीच्या विजयाने राजस्थान रॉयल्सचे प्लेऑफमधील स्थान निश्चित झाले आहे. आरआरचे आधीच 16 गुण आहेत. लखनौच्या पराभवाने पक्के झाले आहे की जास्तीत जास्त 4 संघ 16 किंवा त्याहून अधिक गुण मिळवू शकतात. म्हणजे आता कोणी जिंकले किंवा कोणी हरले तरी आरआर प्लेऑफ खेळेल. सध्या, कोलकाता नाइट रायडर्सचे (KKR) पॉइंट टेबलमध्ये सर्वाधिक 19 गुण आहेत.