Ishan Kishan Injury Chris Jordan : आयपीएलच्या दुसऱ्या क्वालिफायर सामन्यात गुजरातचा शुभमन गिल मुंबईच्या प्रत्येक गोलंदाजाला झोडपून काढत होता. गुजरात मुंबईसमोर मोठे आव्हान ठेवणार हे 15 व्या षटकातच स्पष्ट झाले होते. जरी गुजरातने 200 धावांच्या पुढचे आव्हान ठेवले तरी मुंबई इंडियन्सने यंदाच्या हंगामात अनेकवेळा 200 च्या पुढचे आव्हान पार केले आहे. त्यामुळे सामन्यात अजून जान होती. मात्र मुंबईचा वेगवान गोलंदाज ख्रिस जॉर्डनने स्वतःच्याच टीमचे नुकसान केले. जॉर्डनने हे नुकसान जाणून बुजून केले नाही तर अनावधानाने जॉर्डनकडून किशन दुखापतग्रस्त झाला.
गुजरात फलंदाजी करत असताना 16 व्या षटकात इशान किशनला अचानक ड्रेसिंग रूममध्ये परतावे लागले. त्याचे झालं असं की किशन षटक संपल्यावर दुसऱ्या एन्डला जात होता. त्याचवेळी ख्रिस जॉर्डन त्याला क्रॉस करून पुढे जात होता. मात्र जॉर्डनचे लक्ष नव्हते. याचवेळी जॉर्डनचा टोपी घालताना हात इशान किशनच्या डोळ्याला लागला अने त्याच्या डोळ्याला दुखापत झाली. यानंतर इशान किशनने त्वरित मैदान सोडले. त्याच्या जागी विष्णू विनोदने उर्वरित षटकात मुंबई इंडियन्सतकडून विकेटकिंपिंग केली.
इशान किशनच्या डोळ्याला कितपत दुखापत झाली आहे हे अधिकृतरित्या समजू शकलेले नाही. मात्र इशान किशन रोहित शर्मासोबत सलामीला आला नाही. त्याच्या ऐवजी नेहाल वधेरा रोहितसोबत सलामीला आहे. मुंबईच्या 3 विकेट्स पडल्या तरी इशान किशन फलंदाजी करण्यासाठी आला नव्हता. दरम्यान, कॅमरून ग्रीन देखील फलंदाजी करताना चेंडू लागल्याने दुखापतग्रस्त झाला अन् त्याने मैदान सोडले. मात्र तिलक वर्मा 14 चेंडूत 43 धावांची धाडेकाबाज खेळी केल्यानंतर बाद झाला. तो बाद झाल्यानंतर ग्रीन पुन्हा मैदानात आला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.